Týrizm jáne sport ministriniń buiryǵymen Qazaqstan Respýblikasynyń sporttyq ádebi bekitildi. Buiryq 8 shildede alǵashqy resmi jariialanyp, endi kúntizbelik on kún ótken soń, iaǵni 19 shildede qoldanysqa engiziledi, - dep habarlaidy Dalanews.kz kaz.inform.kz-ke siltep.
Sporttyq ádep «Dene shynyqtyrý jáne sport týraly» zańnyń 7-baby 65-2) tarmaqshasyna, jalpy qabyldanǵan moraldyq-etikalyq normalarǵa sáikes ázirlengen jáne sportshylardyń, jattyqtyrýshylardyń, jattyqtyrýshy-oqytýshylar men sport tóreshileriniń minez-qulyǵynyń negizgi erejelerin belgileidi.
Sportshylar, jattyqtyrýshylar, jattyqtyrýshy-oqytýshylar jáne sport tóreshileri:
1) qoǵamǵa jat minez-qulyq jaǵdailaryna, onyń ishinde qoǵamdyq oryndarda adamnyń qadir-qasietin jáne qoǵamdyq imandylyqty qorlaityn alkogoldik, esirtkilik nemese ýyt-qumarlyq mas kúiinde bolýyna jol bermeidi;
2) adal oiyn jáne adal sporttyq jarys qaǵidattaryn saqtaidy;
3) ulttyq komandalardyń ókilderine, qarsylastaryna, kórermenderge jáne sporttyq jarystardy uiymdastyrýshylarǵa sporttyq is-sharalarda qurmetpen qaraidy;
4) basqa sportshylardyń, volonterlerdiń quqyqtary men qadir-qasietin qurmetteidi, sonymen qatar olarǵa qatysty kemsitýshilikke jol bermeidi jáne sporttyq is-sharalar men marapattaý rásimderi ótetin jerlerde saiasi sherýlerge qatyspaidy;
5) óziniń sporttyq bedeline ziian keltirýi múmkin daýly jaǵdailardan aýlaq bolady;
6) Qazaqstan Respýblikasynyń Memlekettik Eltańbasyna, Qazaqstan Respýblikasynyń Memlekettik Týyna, Qazaqstan Respýblikasynyń Memlekettik Gimnine, sondai-aq sporttyq jarystarǵa qatysýshy elderdiń memlekettik rámizderine uqypty jáne qurmetpen qaraidy;
7) Qazaqstan Respýblikasy Memlekettik Gimniniń mýzykalyq redaktsiiasyn, mátinin biledi;
8) Qazaqstan Respýblikasynyń Memlekettik Gimnin oryndaý kezinde Sporttyq ádeptiń etikalyq normalaryn ustanady;
9) tóreshi sheshimine qurmetpen qaraidy jáne kópshilik daýlardan aýlaq bolady;
10) sporttyq jarystardyń qorytyndysy boiynsha alynǵan sporttyq marapattarǵa (kýboktarǵa, medaldarǵa, gramotalarǵa jáne diplomdarǵa) uqypty jáne qurmetpen qaraidy;
11) sporttyq jarystarda marapattaý rásimine qatysady;
12) sporttyq jarystarda, marapattaý rásimi kezinde, resmi sýretke túsirý jáne mass-mediamen jumys isteý kezinde sport túri boiynsha Qazaqstan Respýblikasynyń ulttyq komandasynyń nemese óziniń sport klýbynyń sporttyq kostiýmderinde bolady;
13) sporttyq is-sharany jariialaityn mass-media ókilderiniń jumysyna qurmetpen qaraidy;
14) basqa sportshylarǵa elikteý úshin úlgi retinde óner kórsetedi;
15) sporttyq jarystardyń erejesin (reglamentin) saqtaidy.
Sportshylarǵa, jattyqtyrýshylarǵa, jattyqtyrýshy-oqytýshylarǵa jáne sport tóreshilerine mynadai tyiymdar salynady:
— oqý-jattyǵý protsesine qatysy bar aqparatty jariia etýge;
— sporttyq is-shara kezinde nemese odan keiin bylapyt sózder men normativtik emes leksikany, qorlaý qimyldaryn paidalanýǵa;
— sporttyq jarystardyń nemese oqý-jattyǵý jiyndarynyń barysyn sebepsiz buzatyn nemese aralasatyn ne Qazaqstan Respýblikasynyń bedeline nemese imidjine teris áser etetin kez kelgen áreket nemese minez-qulyqqa;
— ym tili men mimikany qosa alǵanda, jazbasha nemese aýyzsha túrde sporttyq is-sharany ótkizý aldynda, ótkizý kezinde jáne (nemese) ótkizgennen keiin qandai da bir adamǵa qaýip tóndirýge;
— komandada óziniń dini nanymdaryn ashyq kórsetýge jáne basqa adamdardy dini birlestikterdiń qyzmetine qatysýǵa jáne missionerlik qyzmetpen ainalysýǵa májbúr etýge.
