Týrizm jáne sport ministri Erbol Myrzabosynov sportshylarǵa baǵaly syilyqtar tabystaýdyń oryndy ekenin málimdedi, dep habarlaidy Dalanews.kz.
Ministrdiń aitýynsha, chempiondar men júldegerlerge páter “Dene shynyqtyrý jáne sport týraly” zańǵa sáikes tabystalady. Al basqa baǵaly syilyqtarǵa qatysty ákimdiktermen sportshylardy qoldaýǵa qatysty kelissózder júrgiziletinin jetkizdi.
“Halyq árbir sportshy jarysqa túskende taqymyn qysyp otyrady. Bul Olimpiada men Aziia oiyndarynda anyq baiqaldy. Jeńispen oralǵan sportshylardy azamattarymyz syi-qurmetpen qarsy alyp, syiaqysyz qaldyrmady. Tipti, keibir sportshylar medal almasa da, olarǵa kólik syilap, jigerin janyǵan kezder boldy”, – dedi Myrzabosynov.
BAQ ókilderi Olimpiadaǵa joldama alǵan sportshylarǵa baǵaly syilyqtar berý dástúrge ainalǵanyn atap ótip, ministrdiń bul máselege kózqarasyn surady.
“Joǵary sporttyq deńgeige jetý – bala kezden qajyrly eńbek pen shydamdylyqtyń nátijesi. Sportshylar kishkentaiynan úlken jetistikterge umtylyp, sport pen bilimdi qatar alyp júredi. Olar halyqaralyq jarystarda elimizdiń týyn biikte kóteredi.
Sondyqtan meniń oiymsha, sportshylardy qoldaý – durys qadam. Litsenziia alǵanǵa deiin álem jáne Aziia chempionattarynda nemese Qazaqstan birinshiliginde jeńiske jetý – úlken jetistik. Sol sebepti sportshylardy yntalandyrý oryndy dep esepteimin”, – dedi ministr Májilis kýlýarynda.
