Tanymal teolog Jandáýlet Súleimenov sportshylardyń arasynda ásire dinshilderdi tekserý kerek ekenin aitty, - dep habarlaidy Dalanews.kz.
Onyń sózinshe, salafitter ártúrli jolmen kirdi. Tipti olardyń da starategiialyq baǵdarlamalary bar.
"Salaffiz dep jahanǵa jar salǵandar eshqashan salaf bola almaidy. Salaftar ótip ketti, Islam tarihynda attary jazyldy. "Aqidamyz durys jolda" dep úi ishinen úi tigip, solai jikke bólinip bastaldy.
Bizge qaiyrymdylyq jolmen de keldi. Medreseler, oqý oryndaryn ashty. Birinshi kezeńde baiqamadyq, ekinshi kezeńde baiqadyq. Sol kezde kirip, kitaptar taratty. Ártúrli qaiyrymdylyq is-sharalaryn ótkizdi. Adamnyń áleýetin paidalana otyryp kirdi. Qazir internet arqyly áli de júrip jatyr.
Jalpy olar bes baǵytpen jumys jasady. Meniń taldaýymda ol kezde, 10 jyl buryn 16 million bolǵan shyǵarmyz. Olar tekten-tek jinala salǵan nárse emes. Bizdiń 2030, 2050 degen baǵdarlamamyz bary sekildi, olarda da bar. Sondai baǵdarlamamen Orta Aziiaǵa, Qazaqstanǵa da, Ózbekstanǵa da kirgizdi", - deidi sarapshy Ne boldy-ǵa bergen suhbatynda.
Sonymen qatar, Jandáýlet Súleimenov teris aǵym ókilderi kimderdi birinshi tartqanyn ashyq aitty.
"Ártúrli pozitsiiamen bizdiń elimizge kirdi. Birinshi bai qýatty, aqshaly, qaltaly adamdardy tartýǵa tyrysty. Óitkeni aqsha arqyly kóp nárse jasaýǵa bolady. Ekinshisi - memlekettik qyzmet salasy, áskeri bolsyn, ákimdik qyzmetkeri bolsyn. Óitkeni saýat, qujat, quqyqtyq, strategiialyq jaǵynan kóp kómek beredi. Úshinshisi - óner adamdary. Ony aityp kerek emes, halyqtyń barlyǵy biledi. Tórtinshisi - sportshylar. Maǵan múmkinshilik berilse, osy sportshylardy qaraý kerek. Sportshylardyń ishindegi ásire dinshildikti óte qatty qaraý qajet. Astyn syzyp turyp qaraý kerek.
Óitkeni ol jerde problema jatyr. Solarmen jumys jasaý kerek. Óitkeni olar memlekettiń atyn shyǵaryp júr. Meniń paiymymda kez kelgen adam eldiń atyn tanyta bersin, biraq onyń túpki nietinde radikaldy destrýktivti baǵyt otyrsa, ol bolashaqta bizge opa bermeidi", - dedi ol.
Sarapshy mundai túsiniktegi adamdar keibir málimdemelerimen el ishine iritki salatynyn da jetkizdi.
"Kók Týdy jelbiretip, Ánuran qosylǵan kezde keýdege qoldy qoimaý tendentsiiasy bar. Bizge sondai kóp suraqpen keledi. Olardyń túsiniginde júrekke qoiyp, Ánuran aitsań, ol - "shirk", Qudaiǵa ortaq qosý. Taýyp alǵan osyndai durys emes nárseleri kóp: bet sipaýǵa bolmaidy, kelin sálem salýǵa bolmaidy. Halyqtyń ishine iritki salyp... Onda turǵan eshteńe joq. Qarapaiym másele", - deidi teolog Ne boldy-ǵa bergen suhbatynda.
