تانىمال تەولوگ جانداۋلەت سۇلەيمەنوۆ سپورتشىلاردىڭ اراسىندا اسىرە دىنشىلدەردى تەكسەرۋ كەرەك ەكەنىن ايتتى، - دەپ حابارلايدى Dalanews.kz.
ونىڭ سوزىنشە، سالافيتتەر ءارتۇرلى جولمەن كىردى. ءتىپتى ولاردىڭ دا ستاراتەگيالىق باعدارلامالارى بار.
"ءسالاففىز دەپ جاھانعا جار سالعاندار ەشقاشان سالاف بولا المايدى. سالافتار ءوتىپ كەتتى، يسلام تاريحىندا اتتارى جازىلدى. "اقيدامىز دۇرىس جولدا" دەپ ءۇي ىشىنەن ءۇي تىگىپ، سولاي جىككە ءبولىنىپ باستالدى.
بىزگە قايىرىمدىلىق جولمەن دە كەلدى. مەدرەسەلەر، وقۋ ورىندارىن اشتى. ءبىرىنشى كەزەڭدە بايقامادىق، ەكىنشى كەزەڭدە بايقادىق. سول كەزدە كىرىپ، كىتاپتار تاراتتى. ءارتۇرلى قايىرىمدىلىق ءىس-شارالارىن وتكىزدى. ادامنىڭ الەۋەتىن پايدالانا وتىرىپ كىردى. ءقازىر ينتەرنەت ارقىلى ءالى دە ءجۇرىپ جاتىر.
جالپى ولار بەس باعىتپەن جۇمىس جاسادى. مەنىڭ تالداۋىمدا ول كەزدە، 10 جىل بۇرىن 16 ميلليون بولعان شىعارمىز. ولار تەكتەن-تەك جينالا سالعان نارسە ەمەس. ءبىزدىڭ 2030، 2050 دەگەن باعدارلامامىز بارى سەكىلدى، ولاردا دا بار. سونداي باعدارلامامەن ورتا ازياعا، قازاقستانعا دا، وزبەكستانعا دا كىرگىزدى"، - دەيدى ساراپشى Ne boldy-عا بەرگەن سۇحباتىندا.
سونىمەن قاتار، جانداۋلەت سۇلەيمەنوۆ تەرىس اعىم وكىلدەرى كىمدەردى ءبىرىنشى تارتقانىن اشىق ايتتى.
"ءارتۇرلى پوزيسيامەن ءبىزدىڭ ەلىمىزگە كىردى. ءبىرىنشى باي قۋاتتى، اقشالى، قالتالى ادامداردى تارتۋعا تىرىستى. ويتكەنى اقشا ارقىلى كوپ نارسە جاساۋعا بولادى. ەكىنشىسى - مەملەكەتتىك قىزمەت سالاسى، اسكەري بولسىن، اكىمدىك قىزمەتكەرى بولسىن. ويتكەنى ساۋات، قۇجات، قۇقىقتىق، ستراتەگيالىق جاعىنان كوپ كومەك بەرەدى. ءۇشىنشىسى - ونەر ادامدارى. ونى ايتىپ كەرەك ەمەس، حالىقتىڭ بارلىعى بىلەدى. ءتورتىنشىسى - سپورتشىلار. ماعان مۇمكىنشىلىك بەرىلسە، وسى سپورتشىلاردى قاراۋ كەرەك. سپورتشىلاردىڭ ىشىندەگى اسىرە دىنشىلدىكتى وتە قاتتى قاراۋ قاجەت. استىن سىزىپ تۇرىپ قاراۋ كەرەك.
ويتكەنى ول جەردە پروبلەما جاتىر. سولارمەن جۇمىس جاساۋ كەرەك. ويتكەنى ولار مەملەكەتتىڭ اتىن شىعارىپ ءجۇر. مەنىڭ پايىمىمدا كەز كەلگەن ادام ەلدىڭ اتىن تانىتا بەرسىن، ءبىراق ونىڭ تۇپكى نيەتىندە راديكالدى دەسترۋكتيۆتى باعىت وتىرسا، ول بولاشاقتا بىزگە وپا بەرمەيدى"، - دەدى ول.
ساراپشى مۇنداي تۇسىنىكتەگى ادامدار كەيبىر مالىمدەمەلەرىمەن ەل ىشىنە ىرىتكى سالاتىنىن دا جەتكىزدى.
"كوك تۋدى جەلبىرەتىپ، ءانۇران قوسىلعان كەزدە كەۋدەگە قولدى قويماۋ تەندەنسياسى بار. بىزگە سونداي كوپ سۇراقپەن كەلەدى. ولاردىڭ تۇسىنىگىندە جۇرەككە قويىپ، ءانۇران ايتساڭ، ول - "شيرك"، قۇدايعا ورتاق قوسۋ. تاۋىپ العان وسىنداي دۇرىس ەمەس نارسەلەرى كوپ: بەت سيپاۋعا بولمايدى، كەلىن سالەم سالۋعا بولمايدى. حالىقتىڭ ىشىنە ىرىتكى سالىپ... وندا تۇرعان ەشتەڭە جوق. قاراپايىم ماسەلە"، - دەيدى تەولوگ Ne boldy-عا بەرگەن سۇحباتىندا.
