Sport jáne týrizm ministri Erbol Myrzabosynov brifing barysynda vedomstvonyń ne sebepti Mihail Shaidorovtyń jalaqysy men ony daiyndaýǵa jumsalǵan shyǵyndar týraly aqparatty ashyq jariialaǵanyna túsinikteme berdi, dep habarlaidy Dalanews.kz.
Ministrdiń aitýynsha, vedomstvoda barlyq protsess ashyq júrgiziledi, biýdjet jasyrylmaidy, al qarjyǵa qatysty málimetter qoǵam úshin qoljetimdi.
Sondai-aq jýrnalister qysqy Olimpiada oiyndaryna barǵan delegatsiianyń quramyna jáne oǵan biýdjetten qansha qarajat jumsalǵanyna qatysty suraq qoidy.
"Delegatsiia arnaiy buiryqpen bekitiledi. Delegatsiia quramynda bolǵan ár adamnyń halyqaralyq arenada sportshylarmen jumys isteýge bailanysty ózine tán naqty mindeti boldy. Ol jaqqa birde-bir artyq adam barǵan joq", – dedi Erbol Myrzabosynov.
Sonymen qatar, ministr delegatsiiaǵa jumsalǵan qarajattyń naqty somasyn ataǵan joq.
Tengrinews.kz portalyna bergen ekskliýziv suhbatynda Olimpiada chempiony Mihail Shaidorov Olimpiada oiyndaryna daiyndyq qalai qarjylandyrylǵanyn, tolyqqandy jaǵdai qashan jasalǵanyn aitty, sonymen qatar, tabysy týraly jariialanǵan aqparatqa qatysty pikir bildirgen bolatyn.
Sportshynyń aitýynsha, daiyndyqtaǵy eleýli ózgerister tek Olimpiada maýsymynda bastalǵan. Buǵan deiin ol jalaqyny kóterý, bapkerlerge eńbekaqyny arttyrý jáne mamandardy shtatqa alý máselesin birneshe ret kótergen.
