2025 jylǵy 3 maýsym kúni Astana qalasynda Dene shynyqtyrý jáne buqaralyq sport akademiiasy jáne Dúniejúzilik Toǵyzqumalaq federatsiiasy yntymaqtastyq týraly ýaǵdalastyqqa qol qoidy, – dep habarlaidy Dalanews.kz
Memorandýmnyń basty maqsaty — qazaq halqynyń ulttyq intellektýaldy sporty bolyp tabylatyn toǵyzqumalaqty jan-jaqty damytý, onyń tarihi-mádeni qundylyǵyn nasihattaý, kadrlyq áleýetti kúsheitý jáne sporttyq bilim men ǵylym salasyndaǵy ózara yntymaqtastyqty keńeitý.
Qujatqa Akademiia rektory, ekonomika ǵylymdarynyń kandidaty, professor Qýangalieva Tursynzada Qýanǵaliqyzy jáne Dúniejúzilik Toǵyzqumalaq federatsiiasynyń prezidenti Baimenov Álihan Mýhamediiauly qol qoidy.
Kelisim aiasynda taraptar kelesi baǵyttar boiynsha birlese jumys isteidi:
•toǵyzqumalaq sporty boiynsha kadrlar daiarlaý jáne rezerv qalyptastyrý;
•kásibi bilim berý baǵdarlamalaryn júzege asyrý;
•birlesken ǵylymi, ádistemelik jáne bilim berý jobalaryn iske asyrý;
•volonterlik qozǵalysty damytý jáne sporttyq-buqaralyq is-sharalardy ótkizý;
•sporttyq bilim berý salasynda innovatsiialardy engizý.
Seriktestik sheńberinde Akademiiada toǵyzqumalaqpen bailanysty mamandyqtar boiynsha jańa bilim berý baǵdarlamalary qoldaý tabady. Atap aitqanda, jattyqtyrýshylyq qyzmet, sporttyq ońaltý, ústel sport túrleri boiynsha pedagog-jattyqtyrýshy (shahmat), sporttyq menedjment jáne beiimdik dene tárbiesi baǵyttary erekshe nazarǵa alynǵan.
Qol qoiý rásimine Akademiia basshylyǵy men qurylymdyq bólimshelerdiń ókilderi qatysty:
•Kasenov Hanat Nurbikuly – Akademiialyq qyzmet jónindegi prorektor, PhD, professor
•Azerbaev Dáýlet Nurbolatuly – Sporttyq bilim berý jáne koýching departamentiniń direktory
Bul yntymaqtastyq – toǵyzqumalaqtyń halyqaralyq deńgeidegi damýyna, ǵylymi zertteýlerdiń tereńdeýine jáne otandyq sport kadrlarynyń kásibi biliktiliginiń artýyna jol ashady.
