2025 جىلعى 3 ماۋسىم كۇنى  استانا قالاسىندا دەنە شىنىقتىرۋ جانە بۇقارالىق سپورت اكادەمياسى جانە  دۇنيەجۇزىلىك توعىزقۇمالاق فەدەراسياسى ىنتىماقتاستىق تۋرالى ۋاعدالاستىققا قول قويدى، – دەپ حابارلايدى Dalanews.kz 

 

مەموراندۋمنىڭ باستى ماقساتى — قازاق حالقىنىڭ ۇلتتىق ينتەللەكتۋالدى سپورتى بولىپ تابىلاتىن توعىزقۇمالاقتى جان-جاقتى دامىتۋ، ونىڭ تاريحي-مادەني قۇندىلىعىن ناسيحاتتاۋ، كادرلىق الەۋەتتى كۇشەيتۋ جانە سپورتتىق ءبىلىم مەن عىلىم سالاسىنداعى ءوزارا ىنتىماقتاستىقتى كەڭەيتۋ.

 

 

قۇجاتقا اكادەميا رەكتورى، ەكونوميكا عىلىمدارىنىڭ كانديداتى، پروفەسسور قۋانگالييەۆا تۇرسىنزادا قۋانعالي قىزى جانە دۇنيەجۇزىلىك توعىزقۇمالاق فەدەراسياسىنىڭ پرەزيدەنتى بايمەنوۆ ءاليحان مۋحامەديا ۇلى قول قويدى.

 

كەلىسىم اياسىندا تاراپتار كەلەسى باعىتتار بويىنشا بىرلەسە جۇمىس ىستەيدى:

•توعىزقۇمالاق سپورتى بويىنشا كادرلار دايارلاۋ جانە رەزەرۆ قالىپتاستىرۋ؛

•كاسىبي ءبىلىم بەرۋ باعدارلامالارىن جۇزەگە اسىرۋ؛

•بىرلەسكەن عىلىمي، ادىستەمەلىك جانە ءبىلىم بەرۋ جوبالارىن ىسكە اسىرۋ؛

•ۆولونتەرلىك قوزعالىستى دامىتۋ جانە سپورتتىق-بۇقارالىق ءىس-شارالاردى وتكىزۋ؛

•سپورتتىق ءبىلىم بەرۋ سالاسىندا يننوۆاسيالاردى ەنگىزۋ.

 

سەرىكتەستىك شەڭبەرىندە اكادەميادا توعىزقۇمالاقپەن بايلانىستى ماماندىقتار بويىنشا جاڭا ءبىلىم بەرۋ باعدارلامالارى قولداۋ تابادى. اتاپ ايتقاندا، جاتتىقتىرۋشىلىق قىزمەت، سپورتتىق وڭالتۋ، ۇستەل سپورت تۇرلەرى بويىنشا پەداگوگ-جاتتىقتىرۋشى (شاحمات)، سپورتتىق مەنەدجمەنت جانە بەيىمدىك دەنە تاربيەسى باعىتتارى ەرەكشە نازارعا الىنعان.

 

قول قويۋ راسىمىنە اكادەميا باسشىلىعى مەن قۇرىلىمدىق بولىمشەلەردىڭ وكىلدەرى قاتىستى:

•كاسەنوۆ حانات نۇربيك ۇلى – اكادەميالىق قىزمەت جونىندەگى پرورەكتور، PhD، پروفەسسور

•ازەربايەۆ داۋلەت نۇربولات ۇلى – سپورتتىق ءبىلىم بەرۋ جانە كوۋچينگ دەپارتامەنتىنىڭ ديرەكتورى

 

بۇل ىنتىماقتاستىق – توعىزقۇمالاقتىڭ حالىقارالىق دەڭگەيدەگى دامۋىنا، عىلىمي زەرتتەۋلەردىڭ تەرەڭدەۋىنە جانە وتاندىق سپورت كادرلارىنىڭ كاسىبي بىلىكتىلىگىنىڭ ارتۋىنا جول اشادى.