Sanjar Boqaev degen azamat «Qazir ǵana Toiota, Nissan, Folksvagenniń arnaiy dillerlermen sóilestim. Olar erteńnen bastap jańa avtomobilderdiń baǵasy ýtilsbordyń qysqarǵan baǵasyna deiin arzandaidy dep otyr. Bul meniń esebim boiynsha ortasha 700 myń teńgeni quraidy» dep súiinshi surady.
Keshirińiz, Boqaev myrza! Avtoalpaýyt, avtomonopolist Nurlan Smaǵulovtyń "Toiota" ortalyǵynda quny 17 mln nemese 13 mln turatyn "Toiotanyń" 700 myń teńgege arzandaǵanynan qai kedei qazaq utady?
Bul kezde Skliardyń "Ýtilsbordy 50 paiyzǵa ǵana arzandatamyz" degen kópten kúttirgen jaýaby da jariia bolǵan.
Bári bir kúnde, bir mezgilde jariia bop, aitylyp jatyr. Bul jerde bir kelisý bar emes pe? Bul eldi aldaý emes pe? Eldi taǵy da shatastyrý emes pe? Jurtty bir ai boiy zaryqtyryp baryp aitqandaǵy "súiinshileri" osy bolsa, sengen azamattarymyzǵa ne deimiz?
Bul jerde ekijaqty ózara kelsý bar siiaqty. Halyq sengen adamdar sol halyqtyń tilegin oryndaýdyń ornyna, avtoalpaýyttar men olardyń Skliar siiaqty "kryshalarynyń" yńǵaiyna jyǵylyp ketken siiaqty.
Nege? Óitkeni alǵashqy kezde aitylǵan "Ýtilsbordyń quny 100 myń teńgeniń deńgeiine deiin tómendeidi" degen sózge turý joq. Ony halyqqa umyttyrdy. Esinen shyǵardy. Sóitip bar bolǵany 50 paiyz arzandatýǵa riza bol dep ózimiz úmit artqan azamattar ózimizge basý aityp jatyr. Sol úshin ai, ai jarym ýaqyt sozyp júrip alý kerek pe edi?
Bul neni kórsetedi? Bul – halyqtyń qamyn oilap, halyqtyń qaltasyna salmaq salmaimyz, Jańa Qazaqstan quramyz degen Prezidenttiń tapsyrmasyn Skliar bastap aiaqqa taptaý, iaǵni oryndamaý degen sóz. Aitqanyn joqqa shyǵarý, tárk etý degen sóz.
Qańtardaǵy beibit sherýge kóptegen adamdar suiytylǵan gazdyń baǵasyn arzandatý úshin ǵana emes, "jaý jaǵadan alǵanda, bóri etekten tartqandai" bop júrgen osy ýtilsbordan tityqtaǵandary úshin de shyqqanyn umytpaiyq.
