Sozaqtyq túlekter jalǵyzbasty anaǵa baspana tartý etti
Jańa baspanaǵa ie bolǵan jalǵyzbasty ana Salamat Eralieva qýanyshymen bólisip, jerlesterine alǵysyn bildirdi. Sondai-aq, mektepti 2001 jyly bitirgen túlekter aýylda fýtboldan jarys uiymdastyrdy. Ómirden erte qaitqan synyptastarynyń rýhtaryna Quran baǵyshtady. Is-sharanyń barshasy da karantin talaptaryn saqtai otyryp ótkizilgen.
Jalpy sozaqtyq mektep bitirýshi túlekter 20 jyldyq merekelerine orai demeýshilik jasap, týǵan jerdiń túleýine óz úlesterin qosyp keledi. Máselen, byltyrǵy jyly salynǵan bir úi kópbalaly jalǵyzbasty anaǵa berilgen. Túlekterdiń qolǵa alýymen biyl Sozaq aýylynda úsh úi boi kóterýde. Sonymen qatar, buǵan deiin aýyldyń kire-berisine kiiz úi men aýyl ortalyǵyna báiterektiń músini ornatylǵan bolatyn.
