سوزاقتىق تٷلەكتەر جالعىزباستى اناعا باسپانا تارتۋ ەتتٸ
جاڭا باسپاناعا يە بولعان جالعىزباستى انا سالامات ەراليەۆا قۋانىشىمەن بٶلٸسٸپ, جەرلەستەرٸنە العىسىن بٸلدٸردٸ. سونداي-اق, مەكتەپتٸ 2001 جىلى بٸتٸرگەن تٷلەكتەر اۋىلدا فۋتبولدان جارىس ۇيىمداستىردى. ٶمٸردەن ەرتە قايتقان سىنىپتاستارىنىڭ رۋحتارىنا قۇران باعىشتادى. ٸس-شارانىڭ بارشاسى دا كارانتين تالاپتارىن ساقتاي وتىرىپ ٶتكٸزٸلگەن.
جالپى سوزاقتىق مەكتەپ بٸتٸرۋشٸ تٷلەكتەر 20 جىلدىق مەرەكەلەرٸنە وراي دەمەۋشٸلٸك جاساپ, تۋعان جەردٸڭ تٷلەۋٸنە ٶز ٷلەستەرٸن قوسىپ كەلەدٸ. مەسەلەن, بىلتىرعى جىلى سالىنعان بٸر ٷي كٶپبالالى جالعىزباستى اناعا بەرٸلگەن. تٷلەكتەردٸڭ قولعا الۋىمەن بيىل سوزاق اۋىلىندا ٷش ٷي بوي كٶتەرۋدە. سونىمەن قاتار, بۇعان دەيٸن اۋىلدىڭ كٸرە-بەرٸسٸنە كيٸز ٷي مەن اۋىل ورتالىعىنا بەيتەرەكتٸڭ مٷسٸنٸ ورناتىلعان بولاتىن.
