Eks-depýtat Táńirbergen Berdiońǵarov osy tusta ánshiniń "Qurmet" ordenine laıyq emesin aıtyp, joǵary jaqtyń sheshimin synǵa alǵan.
"Dostar, "Qurmet" ordenin alǵan qatardaǵy oryndaýshy Álı Oqapovqa berilgenine qarsymyn jáne kelispeıtinimdi aıtqym keledi. Rymbaeva jáne onyń otbasyn tómendetkim kelmeıdi, biraq osy ataq turǵysynan jaýapsyz qalǵan suraq kóp. Azamattarǵa orden men nagrada bermes buryn, qoǵam men el aldynda atqarǵan eren isteri jipke tizilýi kerek. Bul marapat eldiń damýyna, ǵylym men bilimge úles qosqan jandarǵa berilse quba-qup", – degen bolatyn eks-sheneýnik.
Oqapov ózin syn sadaǵyna alǵan Berdiońǵarovqa kelesideı jaýap qatypty:
“Qymbatty dostar, sońǵy jaǵdaıǵa baılanysty pikir bildirgim kelip otyr. Shynymdy aıtsam, dál osylaı el talqysyna túsemin dep kútpedim. Eshkimge kiná artpaımyn, biraq bul durys emes.
Sondyqtan osy sátti paıdalanyp, osy kúnge deıin alǵan barlyq mýzykalyq júldelerimnen bas tartamyn. Tipti, muny kópten beri oılap júrgen edim. Óıtkeni meniń ulyma balalar bólmesi qajet.
Al statýetkalar oryn alady. Memlekettik marapat – salmaqty júlde. Men júldeni qaıtarý jóninde Ata Zańdy da oqydym. Biraq ózime qajetti normatıvtik qujatty tappadym. Demek osy kúnge deıin eshkim memlekettik marapattan bas tartpaǵan, – deıdi ánshi.
Osy oraıda ánshi marapat alatynyn túnde ǵana estigenin aıtyp aqtalypty.
“Men eshteńeni aldyn-ala bilmedim. Uıymdastyrýshylar túnde ǵana habarlasyp, tańerteń marapattaý rásimine kelińiz dedi. Ózimdi ne kútip turǵanyn da túsinbedim. Sondyqtan eshkimniń aldynda keshirim suraǵym kelmeıdi. Syılyqtan bas tartý – ózimniń sheshimim. Eshkim meni májbúrlegen joq. Osy kúni meni qoldaǵan barlyq tyńdarmanyma alǵysym sheksiz. Men baqytty adammyn. Otbasym janymda, súıikti isimmen aınalysa beremin”, – dep alǵys bildirdi ánshi.
Bul el nazaryn basqa jaqqa burýdyń amaly bolýy múmkin. DALA INSIDE telegram arnasynyń aıtýynsha, bılik eldiń oıyn bóletin 8 prıkol jınap qoıǵan. Tolyǵyraq osy jerde: https://t.me/dalainside/1435
