ەكس-دەپۋتات تاڭىربەرگەن بەردىوڭعاروۆ وسى تۇستا ءانشىنىڭ "قۇرمەت" وردەنىنە لايىق ەمەسىن ايتىپ، جوعارى جاقتىڭ شەشىمىن سىنعا العان.
"دوستار، "قۇرمەت" وردەنىن العان قاتارداعى ورىنداۋشى ءالي وقاپوۆقا بەرىلگەنىنە قارسىمىن جانە كەلىسپەيتىنىمدى ايتقىم كەلەدى. رىمبايەۆا جانە ونىڭ وتباسىن تومەندەتكىم كەلمەيدى، ءبىراق وسى اتاق تۇرعىسىنان جاۋاپسىز قالعان سۇراق كوپ. ازاماتتارعا وردەن مەن ناگرادا بەرمەس بۇرىن، قوعام مەن ەل الدىندا اتقارعان ەرەن ىستەرى جىپكە ءتىزىلۋى كەرەك. بۇل ماراپات ەلدىڭ دامۋىنا، عىلىم مەن بىلىمگە ۇلەس قوسقان جاندارعا بەرىلسە قۇبا-قۇپ"، – دەگەن بولاتىن ەكس-شەنەۋنىك.
وقاپوۆ ءوزىن سىن ساداعىنا العان بەردىوڭعاروۆقا كەلەسىدەي جاۋاپ قاتىپتى:
“قىمباتتى دوستار، سوڭعى جاعدايعا بايلانىستى پىكىر بىلدىرگىم كەلىپ وتىر. شىنىمدى ايتسام، ءدال وسىلاي ەل تالقىسىنا تۇسەمىن دەپ كۇتپەدىم. ەشكىمگە كىنا ارتپايمىن، ءبىراق بۇل دۇرىس ەمەس.
سوندىقتان وسى ءساتتى پايدالانىپ، وسى كۇنگە دەيىن العان بارلىق مۋزىكالىق جۇلدەلەرىمنەن باس تارتامىن. ءتىپتى، مۇنى كوپتەن بەرى ويلاپ جۇرگەن ەدىم. ويتكەنى مەنىڭ ۇلىما بالالار بولمەسى قاجەت.
ال ستاتۋەتكالار ورىن الادى. مەملەكەتتىك ماراپات – سالماقتى جۇلدە. مەن جۇلدەنى قايتارۋ جونىندە اتا زاڭدى دا وقىدىم. ءبىراق وزىمە قاجەتتى نورماتيۆتىك قۇجاتتى تاپپادىم. دەمەك وسى كۇنگە دەيىن ەشكىم مەملەكەتتىك ماراپاتتان باس تارتپاعان، – دەيدى ءانشى.
وسى ورايدا ءانشى ماراپات الاتىنىن تۇندە عانا ەستىگەنىن ايتىپ اقتالىپتى.
“مەن ەشتەڭەنى الدىن-الا بىلمەدىم. ۇيىمداستىرۋشىلار تۇندە عانا حابارلاسىپ، تاڭەرتەڭ ماراپاتتاۋ راسىمىنە كەلىڭىز دەدى. ءوزىمدى نە كۇتىپ تۇرعانىن دا تۇسىنبەدىم. سوندىقتان ەشكىمنىڭ الدىندا كەشىرىم سۇراعىم كەلمەيدى. سىيلىقتان باس تارتۋ – ءوزىمنىڭ شەشىمىم. ەشكىم مەنى ماجبۇرلەگەن جوق. وسى كۇنى مەنى قولداعان بارلىق تىڭدارمانىما العىسىم شەكسىز. مەن باقىتتى اداممىن. وتباسىم جانىمدا، سۇيىكتى ىسىممەن اينالىسا بەرەمىن”، – دەپ العىس ءبىلدىردى ءانشى.
بۇل ەل نازارىن باسقا جاققا بۇرۋدىڭ امالى بولۋى مۇمكىن. DALA INSIDE تەلەگرام ارناسىنىڭ ايتۋىنشا، بيلىك ەلدىڭ ويىن بولەتىن 8 پريكول جيناپ قويعان. تولىعىراق وسى جەردە: https://t.me/dalainside/1435
