Bul týraly tártip saqshylary «ZOOM» beıneplatformasy arqyly ótken medısınalyq mekemelerdiń arnaıy jınalysy kezinde habarlady.
– Turaqty negizde ınternet-resýrstarǵa jáne buqaralyq aqparat quraldaryna monıtorıń júrgizilýde, medısınalyq anyqtamalardy qoldan jasaý faktilerin anyqtaý boıynsha jedel sharalar qabyldanýda.
Eske salaıyq, jaqynda azamattardy Saýd Arabıasy Koróldigine jiberý úshin 140-tan astam jalǵan vaksınasıa tólqujatyn jasaýmen aınalysqan týrısik kompanıa anyqtaldy.
Sonymen qatar, tergeý satysynda №21, №4, №16 jáne №13 qalalyq emhanalardyń jalpy tájirıbe dárigerlerine qatysty qylmystyq ister qaralyp jatyr.
Olar kirgen azamattarǵa vaksınasıany salmaı-aq, dozanyń birinshi komponentin qabyldaý týraly jalǵan derekterdi bazaǵa engizgen nemese vaksınasıa bólmesinde beınebaqylaý kamerasy bolsa, olar ekpeni alǵandaı etip kórsetip ekpe salynǵan oryndy plasyrmen jabystyrǵan.
Bul qyzmetterdiń barlyǵy aqshalaı syıaqy úshin usynylǵandyǵy anyq, – deıdi Almaty qalalyq polısıa departamenti bastyǵynyń birinshi orynbasary Nurlan Almasbekov.
Sonymen qatar, spıker jalǵan qujat jasaǵany úshin 4 jylǵa deıin bas bostandyǵynan aıyrý jazasy bar ekenin, al ony qoldanǵan adam 40 táýlikke qamaýǵa alynatynyn eske saldy.
Sondaı-aq, joǵaryda atalǵan azamattardyń áreketinde «qyzmettik jalǵandyq» belgileri bar, ıaǵnı, jalǵan aqparatty resmı qujattarǵa engizý.
– Qurmetti medısına qyzmetkerleri, ózińizdi qylmystyq iske tartýǵa jol bermeńiz jáne otbasyńyz ben jaqyndaryńyzdy osydan qorǵańyz, – dep qorytyndylady Almasbekov.
