Berdiqulovanyń máıiti 13 maýsymda tabylǵan, ólimge sebep qylǵyndyrý bolǵan. Jedel sharalar barysynda kúdikti retinde Kókshetaý qalasynda 1985 jyly týǵan er adam ustaldy.
– Kúdikti birneshe ret isti bolǵan, sonyń ishinde adam óltirgeni úshin de. Ol úshin 2006 jyly sottalǵan. Qazirgi kezde QR QK-niń 99-baby «Adam óltirý» boıynsha sotqa deıingi tergeý bastaldy, – dep habarlady Aqmola oblysynyń İİD ókilderi.
Marqumnyń áriptesteri onyń jaqyndary men tanystaryna kóńil bildirip jatyr. Janna Berdiqulova nebári 46 jasta bolǵan. «Búgin keremet adamnan aıyryldyq! Basty sóz – adam! Ol tamasha adam, tamasha áıel, otbasynyń súıikti qyzy... «bolǵan» degen sózdi jazý aýyr eken. Al ol qandaı sýdıa edi. Ol bizdiń jumysymyzdyń barlyq qyryn tanıtyn. Ol eńbek jolyn qatardaǵy qyzmetkerden bastady. Ol týraly ótken shaqta jazǵan óte qıyn... Ony jeke tanıtynmyn... Ol únemi jas sýdıalarǵa kómektesetin, BAQ-qa suhbat berip júrdi.... Al ótken sıeze tamasha sóz sóıledi! Ol isti qaraýdy jeńildetý máselesin kótergen! Nebári 46 jasta edi! Óz isine jany ashıtyn», – dep jazypty Joǵarǵy sot sýdıasy Elena Maksúta.
Áriptesteriniń málimeti boıynsha, Janna Berdiqulova Almatyda jerlenedi.
