بەردىقۇلوۆانىڭ ءمايىتى 13 ماۋسىمدا تابىلعان، ولىمگە سەبەپ قىلعىندىرۋ بولعان. جەدەل شارالار بارىسىندا كۇدىكتى رەتىندە كوكشەتاۋ قالاسىندا 1985 جىلى تۋعان ەر ادام ۇستالدى.
– كۇدىكتى بىرنەشە رەت ءىستى بولعان، سونىڭ ىشىندە ادام ولتىرگەنى ءۇشىن دە. ول ءۇشىن 2006 جىلى سوتتالعان. قازىرگى كەزدە ق ر قك-نىڭ 99-بابى «ادام ءولتىرۋ» بويىنشا سوتقا دەيىنگى تەرگەۋ باستالدى، – دەپ حابارلادى اقمولا وبلىسىنىڭ ءىىد وكىلدەرى.
مارقۇمنىڭ ارىپتەستەرى ونىڭ جاقىندارى مەن تانىستارىنا كوڭىل ءبىلدىرىپ جاتىر. جاننا بەردىقۇلوۆا نەبارى 46 جاستا بولعان. «بۇگىن كەرەمەت ادامنان ايىرىلدىق! باستى ءسوز – ادام! ول تاماشا ادام، تاماشا ايەل، وتباسىنىڭ سۇيىكتى قىزى... «بولعان» دەگەن ءسوزدى جازۋ اۋىر ەكەن. ال ول قانداي سۋديا ەدى. ول ءبىزدىڭ جۇمىسىمىزدىڭ بارلىق قىرىن تانيتىن. ول ەڭبەك جولىن قاتارداعى قىزمەتكەردەن باستادى. ول تۋرالى وتكەن شاقتا جازعان وتە قيىن... ونى جەكە تانيتىنمىن... ول ۇنەمى جاس سۋديالارعا كومەكتەسەتىن، باق-قا سۇحبات بەرىپ ءجۇردى.... ال وتكەن سەزدە تاماشا ءسوز سويلەدى! ول ءىستى قاراۋدى جەڭىلدەتۋ ماسەلەسىن كوتەرگەن! نەبارى 46 جاستا ەدى! ءوز ىسىنە جانى اشيتىن»، – دەپ جازىپتى جوعارعى سوت سۋدياسى ەلەنا ماكسيۋتا.
ارىپتەستەرىنىڭ مالىمەتى بويىنشا، جاننا بەردىقۇلوۆا الماتىدا جەرلەنەدى.
