Aqyn ári dissident Aron Atabektiń qyzy Alma Nýtýsheva áleýmettik jelidegi paraqshasynda ákesine arnap áserli jazba jariialady, dep habarlaidy dalanews.kz.
Ol 2021 jyldyń qazan aiynda ákesimen bolǵan áńgimesin eske alyp, Aron Atabektiń ózine birneshe ret "eki dúniede de qorǵanyń bolamyn" degenin jetkizdi.
"Eki dúniede de seni qorǵaimyn, qyzym!" – 2021 jyldyń qazanynda bul sózińdi senen birneshe ret estidim. Muny estý qorqynyshty edi, sengim kelmedi. Meniń abdyrap qalǵanymdy kórip: "Taǵy 15 jyl ómir súrsem, osy eldi aiaǵynan turǵyzar edim", – deitinsiń. Sodan keiin qai dúniede bolsam da, meniń qorǵanym bolatynyńdy taǵy aitatynsyń. Men saǵan senemin. Óitkeni ony sezemin", – dep jazdy ol.
Aqynnyń qyzy ákesin qatty saǵynatynyn aityp, arada birneshe jyl ótse de, kóńilindegi qaiǵynyń basylmaǵanyn jetkizdi.
"Seni saǵyndym, áke... Meniń sońǵy qazaq samýraiym! Bes jylǵa jýyq ýaqyt ótip barady. Biraq sen bul dúnieden búgin ǵana ketkendei, janymdaǵy jara áli de jańa", – dedi ol.
