Memleket basshysy Qasym-Jomart Toqaev ulttyq quryltaida ulttyq kiim máselesine mán berdi, - dep habarlaidy Dalanews.kz.
"Kórisý kúninen bastalatyn meiram kezinde ár kúnniń óz ataýy bolady. Sonyń biri Ulttyq kiim kúni dep atalady. Basqa jurt qazaqty kiiminen tanityn bolýy kerek. Men byltyr aýyzashar bergen kezde osy máselege arnaiy toqtaldym. Keibir iri kompaniialar men oqý oryndary ulttyq naqyshta kiiný úrdisin engizip jatyr. Bul – óte oryndy bastama, ony qoldap, aýqymyn keńeite túsken jón.
Ásirese, qazirgi tańda mundai qadamdardyń mán-mańyzy airyqsha. Sebebi sońǵy jyldary el ishinde qara kiinip, tumshalanyp júretin adamdar paida bolǵany barshańyzǵa málim. Olar – bóten emes, óz azamattarymyz.
Halqymyzdyń dúnietanymynda qara kiinip júrý degen atymen bolmaǵan. Bul – elikteýshilikten, ásire-dinshildikten týǵan úrdis. Biz salt-dástúrimizden ajyramaýymyz kerek", - dedi Prezident.
