Baıǵonysovtyń atap ótkenindeı 2011 jyldan bastap 2015 jylǵa deıin Altaı qalasynda úsh balabaqsha jáne múmkindigi shekteýli balalardyń úı-jaıy salynǵan.
«Serebránsk qalasynda taǵy bir balabaqsha ashyldy. 2015 jyly Chapaev aýylynda mektep salyndy. 2016 jyly Altaı qalasynda 100 oryndyq jabyq hokeı modýli salyndy. Sonymen qatar Altaı aýdanynda 2017 jyldan bastap aýdan ortalyǵynyń jylý jelileri jańartylyp jatyr», – deıdi aýdan basshysy.
Ákimniń aıtýynsha aýdandaǵy qurylys qarqyny 2012 jyldan beri tolastamaǵan.
«2012 jyly Maksım Gorkıı kóshesinde 60 páterli turǵyn úı salyndy. Keıinirek, 2013 jyly, Kosmonavttar kóshesinde 80 páterli turǵyn úı paıdalanýǵa berildi. 2018 jyly aýdan ortalyǵyndaǵy Rýdnyı kóshesinde 60 páterli turǵyn úı boı kóterdi.
2020 jyly Shyǵys Qazaqstan oblysynyń ákimi Danıal Ahmetovtyń tapsyrmasy boıynsha "Nurly Jer" baǵdarlamasy aıasynda Altaıda turǵyn úı alýǵa kezekte turǵan kóp balaly otbasylar úshin jalǵa alý quqyǵymen 14 jer úı salyndy», – dedi ákim.
