بايعونىسوۆتىڭ اتاپ وتكەنىندەي 2011 جىلدان باستاپ 2015 جىلعا دەيىن التاي قالاسىندا ءۇش بالاباقشا جانە مۇمكىندىگى شەكتەۋلى بالالاردىڭ ءۇي-جايى سالىنعان.
«سەرەبريانسك قالاسىندا تاعى ءبىر بالاباقشا اشىلدى. 2015 جىلى چاپايەۆ اۋىلىندا مەكتەپ سالىندى. 2016 جىلى التاي قالاسىندا 100 ورىندىق جابىق حوككەي ءمودۋلى سالىندى. سونىمەن قاتار التاي اۋدانىندا 2017 جىلدان باستاپ اۋدان ورتالىعىنىڭ جىلۋ جەلىلەرى جاڭارتىلىپ جاتىر»، – دەيدى اۋدان باسشىسى.
اكىمنىڭ ايتۋىنشا اۋدانداعى قۇرىلىس قارقىنى 2012 جىلدان بەرى تولاستاماعان.
«2012 جىلى ماكسيم گوركيي كوشەسىندە 60 پاتەرلى تۇرعىن ءۇي سالىندى. كەيىنىرەك، 2013 جىلى، كوسموناۆتتار كوشەسىندە 80 پاتەرلى تۇرعىن ءۇي پايدالانۋعا بەرىلدى. 2018 جىلى اۋدان ورتالىعىنداعى رۋدنىي كوشەسىندە 60 پاتەرلى تۇرعىن ءۇي بوي كوتەردى.
2020 جىلى شىعىس قازاقستان وبلىسىنىڭ اكىمى دانيال احمەتوۆتىڭ تاپسىرماسى بويىنشا "نۇرلى جەر" باعدارلاماسى اياسىندا التايدا تۇرعىن ءۇي الۋعا كەزەكتە تۇرعان كوپ بالالى وتباسىلار ءۇشىن جالعا الۋ قۇقىعىمەن 14 جەر ءۇي سالىندى»، – دەدى اكىم.
