Astana qalasynyń Polısıa departamenti kólik júrgizýshilerine kólikti qysqy maýsymǵa daıyndaý qajet ekenin eske saldy, dep habarlaıdy Dalanews.kz.

Kún sýyta bastady, al alda taıǵaq joldar, qar men kóktaıǵaq bolady. Osyǵan baılanysty polısıa júrgizýshilerge qysqy dóńgelekti ýaqytyly, qys bastalýyn kútpeı aýystyrýǵa keńes berdi.

"Keden odaǵynyń tehnıkalyq reglamentine sáıkes jeltoqsan, qańtar jáne aqpanda kólikti tek qysqy dóńgelekpen paıdalaný qajet", – dedi elordalyq PD ókili.

Sonymen qatar, vedomstvo aýa raıyna qaraı qysqy dóńgelekke aýysý merzimi erterek belgilenýi múmkin ekenin atap ótti. Astanada sýyq ádette qysqa deıin túsetindikten, dóńgelekti aldyn ala aýystyrý qajet.

Polıseılerdiń aıtýynsha, temperatýra tómendegen kezde jazǵy dóńgelekter nasharlap, kólikti basqarý qıyndaı túsedi.

Aıta keteıik, 1 jeltoqsannan bastap Qazaqstandaǵy barlyq kólik júrgizýshisi qysqy dóńgelekpen júrýge mindetti. Jol erejesine sáıkes qysta jazǵy dóńgelekpen júrýge tyıym salynady, al bul erejeni buzsa, 5 AEK kóleminde aıyppul salynady.