Jyl sońyna deiin Soltústik Aral teńizine taǵy 1,2 mlrd tekshe metr sý jiberiledi, dep habarlaidy dalanews.kz.
Qyzylorda oblysyna jumys sapary barysynda Sý resýrstary jáne irrigatsiia ministri Nurjan Nurjigitov Aral aýdanyndaǵy balyqshylarmen kezdesti. Kezdesýde vedomstvo basshysy Soltústik Aral teńizin saqtaý baǵytynda atqarylyp jatqan jumystar týraly baiandady.
«Biz Soltústik Aral teńizin saqtaý boiynsha keshendi sharalardy júzege asyryp jatyrmyz. Osy maqsatta Dúniejúzilik bankpen birlesken jobanyń ekinshi kezeńi ázirlendi. Ol Kókaral bógetin rekonstrýktsiialap, teńizdegi sý deńgeiin kóterýge jáne sý kólemin arttyrýǵa múmkindik beredi. Qazirgi ýaqytta Sý resýrstaryn basqarý júiesin damytýdyń 2030 jylǵa deiingi tujyrymdamasyna sáikes Soltústik Araldaǵy sý kólemin 34 mlrd tekshe metrge deiin jetkizý jónindegi is-sharalar júzege asyrylyp jatyr», - dedi Nurjan Nurjigitov.
Aita keteiik, 2025 jylǵy 1 qazannan búginge deiin Syrdariia ózeni arqyly Soltústik Aral teńizine 1,4 mlrd tekshe metr sý jiberildi. Biylǵy vegetatsiia kezeńinde teńizge sekýndyna 40 tekshe metr sý aǵyzylyp jatyr.
Qazirgi tańda Soltústik Araldaǵy sý kólemi 23,5 mlrd tekshe metr. Ótken jylmen salystyrǵanda teńiz sýynyń tuzdylyǵy orta eseppen 10%-ǵa tómendep, 7,9 promillege jetti. Al 2026 jyldyń alǵashqy jartyjyldyǵynda teńizden 4,2 myń tonna balyq aýlandy.
Kezdesý barysynda Aral aýdanynyń balyqshylary Aral teńizi men óńirdegi ózge de balyq sharýashylyǵy sý aidyndaryn saqtaý úshin sý paidalaný limitteriniń qatań saqtalýyn qamtamasyz etýdi surady.
«Aýyl sharýashylyǵynda sý paidalaný limitteri bekitilgenin bilemiz. Alaida keibir sharýalar bul talaptardy saqtamaityn jaǵdailary kezdesedi. Sondyqtan bul máseleni qatań baqylaýǵa alý qajet dep esepteimiz. Biz, balyqshylar, Syrdariianyń tómengi aǵysynda ornalasqandyqtan oblystaǵy balyq sharýashylyǵynyń turaqtylyǵy úshin diqandardyń sýdy únemdep paidalanýy asa mańyzdy. Únemdelgen sý óńirdegi sý aidyndaryn saqtap qalýǵa óte qajet», - dedi «Aral» servistik-daiyndaý ortalyǵy» JShS direktory Ádilbek Aiymbetov.
Sondai-aq balyqshylar Syrdariia ózenine sýdy tiimdirek jiberý úshin Amanótkel sý torabyn nemese shliýz salýdy usyndy. Bul sý ótkizý kólemin sekýndyna 100 tekshe metrge deiin ulǵaitýǵa múmkindik beredi.
Kezdesý qorytyndysy boiynsha Nurjan Nurjigitov Sý sharýashylyǵy komitetine shliýz qurylysynyń jobalaý-smetalyq qujatyn ázirleýdi tapsyrdy. Sonymen qatar ministr Aral-Syrdariia basseindik inspektsiiasyna sý únemdeý tehnologiialaryn engizý esebinen únemdelgen sýdy qosa alǵanda, Soltústik Aral teńizine turaqty sý jiberýdi qamtamasyz etýdi tapsyrdy.
Odan keiin Nurjan Nurjigitov Aqlaq sý torabynda bolyp, Soltústik Aral teńizin sýmen tolyqtyrý jumystarynyń barysymen tanysty. Sekýndyna 515 tekshe metrge deiin sý ótkizýge qaýqarly bul nysan Syrdariia ózeniniń saǵasyndaǵy birneshe kól men iri jaiylma alqaptardy da sýmen qamtamasyz etedi.
Keiin ministr Aqlaq sý toraby mańyndaǵy vahtalyq kenttegi turǵyn úilerdi jóndeý jumystarynyń nátijesimen tanysty. Bul úiler gidrotehnikalyq nysandy táýlik boiy paidalaný, tehnikalyq qyzmet kórsetý, jóndeý jáne kúzetý jumystaryn atqaratyn mamandardyń qaýipsiz ári jaily turýyna arnalǵan.
