جىل سوڭىنا دەيٸن سولتٷستٸك ارال تەڭٸزٸنە تاعى 1,2 ملرد تەكشە مەتر سۋ جٸبەرٸلەدٸ, دەپ حابارلايدى dalanews.kz.
قىزىلوردا وبلىسىنا جۇمىس ساپارى بارىسىندا سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ ارال اۋدانىنداعى بالىقشىلارمەن كەزدەستٸ. كەزدەسۋدە ۆەدومستۆو باسشىسى سولتٷستٸك ارال تەڭٸزٸن ساقتاۋ باعىتىندا اتقارىلىپ جاتقان جۇمىستار تۋرالى باياندادى.
«بٸز سولتٷستٸك ارال تەڭٸزٸن ساقتاۋ بويىنشا كەشەندٸ شارالاردى جٷزەگە اسىرىپ جاتىرمىز. وسى ماقساتتا دٷنيەجٷزٸلٸك بانكپەن بٸرلەسكەن جوبانىڭ ەكٸنشٸ كەزەڭٸ ەزٸرلەندٸ. ول كٶكارال بٶگەتٸن رەكونسترۋكتسييالاپ, تەڭٸزدەگٸ سۋ دەڭگەيٸن كٶتەرۋگە جەنە سۋ كٶلەمٸن ارتتىرۋعا مٷمكٸندٸك بەرەدٸ. قازٸرگٸ ۋاقىتتا سۋ رەسۋرستارىن باسقارۋ جٷيەسٸن دامىتۋدىڭ 2030 جىلعا دەيٸنگٸ تۇجىرىمداماسىنا سەيكەس سولتٷستٸك ارالداعى سۋ كٶلەمٸن 34 ملرد تەكشە مەترگە دەيٸن جەتكٸزۋ جٶنٸندەگٸ ٸس-شارالار جٷزەگە اسىرىلىپ جاتىر», - دەدٸ نۇرجان نۇرجٸگٸتوۆ.
ايتا كەتەيٸك, 2025 جىلعى 1 قازاننان بٷگٸنگە دەيٸن سىردارييا ٶزەنٸ ارقىلى سولتٷستٸك ارال تەڭٸزٸنە 1,4 ملرد تەكشە مەتر سۋ جٸبەرٸلدٸ. بيىلعى ۆەگەتاتسييا كەزەڭٸندە تەڭٸزگە سەكۋندىنا 40 تەكشە مەتر سۋ اعىزىلىپ جاتىر.
قازٸرگٸ تاڭدا سولتٷستٸك ارالداعى سۋ كٶلەمٸ 23,5 ملرد تەكشە مەتر. ٶتكەن جىلمەن سالىستىرعاندا تەڭٸز سۋىنىڭ تۇزدىلىعى ورتا ەسەپپەن 10%-عا تٶمەندەپ, 7,9 پروميللەگە جەتتٸ. ال 2026 جىلدىڭ العاشقى جارتىجىلدىعىندا تەڭٸزدەن 4,2 مىڭ توننا بالىق اۋلاندى.
كەزدەسۋ بارىسىندا ارال اۋدانىنىڭ بالىقشىلارى ارال تەڭٸزٸ مەن ٶڭٸردەگٸ ٶزگە دە بالىق شارۋاشىلىعى سۋ ايدىندارىن ساقتاۋ ٷشٸن سۋ پايدالانۋ ليميتتەرٸنٸڭ قاتاڭ ساقتالۋىن قامتاماسىز ەتۋدٸ سۇرادى.
«اۋىل شارۋاشىلىعىندا سۋ پايدالانۋ ليميتتەرٸ بەكٸتٸلگەنٸن بٸلەمٸز. الايدا كەيبٸر شارۋالار بۇل تالاپتاردى ساقتامايتىن جاعدايلارى كەزدەسەدٸ. سوندىقتان بۇل مەسەلەنٸ قاتاڭ باقىلاۋعا الۋ قاجەت دەپ ەسەپتەيمٸز. بٸز, بالىقشىلار, سىردارييانىڭ تٶمەنگٸ اعىسىندا ورنالاسقاندىقتان وبلىستاعى بالىق شارۋاشىلىعىنىڭ تۇراقتىلىعى ٷشٸن ديقانداردىڭ سۋدى ٷنەمدەپ پايدالانۋى اسا ماڭىزدى. ٷنەمدەلگەن سۋ ٶڭٸردەگٸ سۋ ايدىندارىن ساقتاپ قالۋعا ٶتە قاجەت», - دەدٸ «ارال» سەرۆيستٸك-دايىنداۋ ورتالىعى» جشس ديرەكتورى ەدٸلبەك ايىمبەتوۆ.
سونداي-اق بالىقشىلار سىردارييا ٶزەنٸنە سۋدى تيٸمدٸرەك جٸبەرۋ ٷشٸن امانٶتكەل سۋ تورابىن نەمەسە شليۋز سالۋدى ۇسىندى. بۇل سۋ ٶتكٸزۋ كٶلەمٸن سەكۋندىنا 100 تەكشە مەترگە دەيٸن ۇلعايتۋعا مٷمكٸندٸك بەرەدٸ.
كەزدەسۋ قورىتىندىسى بويىنشا نۇرجان نۇرجٸگٸتوۆ سۋ شارۋاشىلىعى كوميتەتٸنە شليۋز قۇرىلىسىنىڭ جوبالاۋ-سمەتالىق قۇجاتىن ەزٸرلەۋدٸ تاپسىردى. سونىمەن قاتار مينيستر ارال-سىردارييا باسسەيندٸك ينسپەكتسيياسىنا سۋ ٷنەمدەۋ تەحنولوگييالارىن ەنگٸزۋ ەسەبٸنەن ٷنەمدەلگەن سۋدى قوسا العاندا, سولتٷستٸك ارال تەڭٸزٸنە تۇراقتى سۋ جٸبەرۋدٸ قامتاماسىز ەتۋدٸ تاپسىردى.
ودان كەيٸن نۇرجان نۇرجٸگٸتوۆ اقلاق سۋ تورابىندا بولىپ, سولتٷستٸك ارال تەڭٸزٸن سۋمەن تولىقتىرۋ جۇمىستارىنىڭ بارىسىمەن تانىستى. سەكۋندىنا 515 تەكشە مەترگە دەيٸن سۋ ٶتكٸزۋگە قاۋقارلى بۇل نىسان سىردارييا ٶزەنٸنٸڭ ساعاسىنداعى بٸرنەشە كٶل مەن ٸرٸ جايىلما القاپتاردى دا سۋمەن قامتاماسىز ەتەدٸ.
كەيٸن مينيستر اقلاق سۋ تورابى ماڭىنداعى ۆاحتالىق كەنتتەگٸ تۇرعىن ٷيلەردٸ جٶندەۋ جۇمىستارىنىڭ نەتيجەسٸمەن تانىستى. بۇل ٷيلەر گيدروتەحنيكالىق نىساندى تەۋلٸك بويى پايدالانۋ, تەحنيكالىق قىزمەت كٶرسەتۋ, جٶندەۋ جەنە كٷزەتۋ جۇمىستارىن اتقاراتىن مامانداردىڭ قاۋٸپسٸز ەرٸ جايلى تۇرۋىنا ارنالعان.
