2016 jyldyń 31 tamyzynan bastap ál-Farabı atyndaǵy Qazaq ulttyq ýnıversıteti fılosofıa jáne saıasattaný fakúltetiniń dintaný jáne mádenıettaný kafedrasynda halyqaralyq jazǵy mektep aıasynda «Qazaq mádenıeti» atty Bolgarıa Respýblıkasynyń Sofıa ýnıversıtetinen kelgen delegasıasyna arnalǵan oqý-tanymdyq jumysy júrgizilip jatyr.
Kýrstyń basty maqsaty qazaq halqynyń tili, mádenıeti, salt-dástúrin sheteldikterge tanystyrý, dáripteý. Sonymen qatar, 5 qyrkúıekte fılosofıa jáne saıasattaný fakúltetinde ótken «Qazaqstannyń otyz damyǵan eldiń qataryna kirýiniń mádenıettanýlyq úlgisi: ózgermeli álemdegi ıntegrasıa jáne mádenıetaralyq komýnıkasıa máseleleri» ǵylymı-zertteý jobasy aıasynda Qazaqstan Respýblıkasy Konstıtýsıasy kúnine arnalǵan «Máńgilik El» ıdeıasy, qazaqstandyq patrıotızm qalyptastyrý jáne rýhanı-etnıkalyq qundylyqtardy saqtaý joldary» taqyrybynda halyqaralyq dóńgelek ústel májilisi bolgarlyq zertteýshiler belsendilik tanytty. Dóńgelek ústel aıasynda Qazaqstan Respýblıkasynyń Konstıtýsıasy kontekstindegi qazaqstandyq qoǵamdaǵy ıntegrasıa jáne mádenıtaralyq komýnıkasıa máseleleri, qazirgi álemdegi rýhanı qundylyqtardyń ózgerýi jáne qaıta baǵalanýy, jahandanǵan álemdegi rýhanı-adamgershiliktik qundylyqtardyń róli, memleket, din jáne jeke tulǵa, dástúrli dinı qundylyqtar jáne zamanaýı syn-qaterler, ultjandylyq – órkenıetti qoǵam qalyptastyrýdyń negizi sekildi máseleler boıynsha qyzý pikirtalas ótti.
Delegasıanyń quramynda «Predtechı BG» bas dırektory Dobıchına Vıoleta, Sofıa ýnıversıtetiniń atynan kelgen profesor Koleva Irına, Stanıslova Stoıanova, doktorant Nadejda Jechkova, Atanasova Polına, Atanasov Dımıtar, etnıkalyq azshylyqtyń balalary men oqýshylaryna bilim berý ıntegrasıasy ortalyǵynyń qyzmetkeri Anna Kostova, matematık Ivan Mıronov, «ZD EVROINS» AD kompanıasynyń qyzmetkeri Shılána Mıronova, Frakıa ýnıversıtetiniń profesory Mıtko Shoshev, dáriger Lılána Vlcheva sekildi ártúrli salada jumys isteıtin qyzmetkerler qazaq mádenıeti, dili, tiline qyzyǵýshylyqtaryn tanytyp otyrǵandaryn jasyrmady, osy kýrstyń aıasynda Bolgarıa Respýblıkasynan kelgen delegasıalar qazaq mádenıetimen, qazaq fılosofıasy men oılaý mádenıetiniń shyǵý tegi jóninde biraz maǵlumattar alǵandyqtaryn aıtty. Etnologıany zertteýshi Nadejda Jechkova «Qazaq halqynyń mádenıeti de, ádebıeti de túsingen adam úshin zor mura, qol jetpes qazyna» dep óz oıyn sabaqtady.
Sonymen, «Qazaq mádenıeti» atty Halyqaralyq oqý-tanymdyq jumys júrgizý teorıalyq baǵytty ǵana qamtyp qoımaı, óz dárejesinde tájirıbelik-tanymdyq baǵyttady jumys istep, bolgarlyq delegasıany Túrkistan, Taraz sekildi Ońtústik Qazaqstannyń qalalaryndaǵy tarıhı-arheologıalyq eskertkishterine saıahat jasatyp qaıtty. Bul júzege asyrylyp otyrǵan is-shara eki memleketke de óz tıimdiligin ákeleri sózsiz. Eki memleket arasynda akademıalyq mobıldilik baǵdarlamasy talqylanyp, ǵylymı-bilim berý seriktestigin damytý máseleleri qarastyryldy. Bul seriktestiktiń bolashaqta óz nátıjesin beretindigine senim bildiremiz.
Kantarbaeva J.Ý., Alıkbaeva M.B.,
Dintaný jáne mádenıettaný kafedrasynyń
dosentteri
