2016 jyldyń 31 tamyzynan bastap ál-Farabi atyndaǵy Qazaq ulttyq ýniversiteti filosofiia jáne saiasattaný fakýltetiniń dintaný jáne mádeniettaný kafedrasynda halyqaralyq jazǵy mektep aiasynda «Qazaq mádenieti» atty Bolgariia Respýblikasynyń Sofiia ýniversitetinen kelgen delegatsiiasyna arnalǵan oqý-tanymdyq jumysy júrgizilip jatyr.
Kýrstyń basty maqsaty qazaq halqynyń tili, mádenieti, salt-dástúrin sheteldikterge tanystyrý, dáripteý. Sonymen qatar, 5 qyrkúiekte filosofiia jáne saiasattaný fakýltetinde ótken «Qazaqstannyń otyz damyǵan eldiń qataryna kirýiniń mádeniettanýlyq úlgisi: ózgermeli álemdegi integratsiia jáne mádenietaralyq kommýnikatsiia máseleleri» ǵylymi-zertteý jobasy aiasynda Qazaqstan Respýblikasy Konstitýtsiiasy kúnine arnalǵan «Máńgilik El» ideiasy, qazaqstandyq patriotizm qalyptastyrý jáne rýhani-etnikalyq qundylyqtardy saqtaý joldary» taqyrybynda halyqaralyq dóńgelek ústel májilisi bolgarlyq zertteýshiler belsendilik tanytty. Dóńgelek ústel aiasynda Qazaqstan Respýblikasynyń Konstitýtsiiasy kontekstindegi qazaqstandyq qoǵamdaǵy integratsiia jáne mádenitaralyq kommýnikatsiia máseleleri, qazirgi álemdegi rýhani qundylyqtardyń ózgerýi jáne qaita baǵalanýy, jahandanǵan álemdegi rýhani-adamgershiliktik qundylyqtardyń róli, memleket, din jáne jeke tulǵa, dástúrli dini qundylyqtar jáne zamanaýi syn-qaterler, ultjandylyq – órkenietti qoǵam qalyptastyrýdyń negizi sekildi máseleler boiynsha qyzý pikirtalas ótti.
Sonymen, «Qazaq mádenieti» atty Halyqaralyq oqý-tanymdyq jumys júrgizý teoriialyq baǵytty ǵana qamtyp qoimai, óz dárejesinde tájiribelik-tanymdyq baǵyttady jumys istep, bolgarlyq delegatsiiany Túrkistan, Taraz sekildi Ońtústik Qazaqstannyń qalalaryndaǵy tarihi-arheologiialyq eskertkishterine saiahat jasatyp qaitty. Bul júzege asyrylyp otyrǵan is-shara eki memleketke de óz tiimdiligin ákeleri sózsiz. Eki memleket arasynda akademiialyq mobildilik baǵdarlamasy talqylanyp, ǵylymi-bilim berý seriktestigin damytý máseleleri qarastyryldy. Bul seriktestiktiń bolashaqta óz nátijesin beretindigine senim bildiremiz.
Kantarbaeva J.Ý., Alikbaeva M.B.,
Dintaný jáne mádeniettaný kafedrasynyń
dotsentteri
