Olimpiada chempiony Eldos Smetov memleketten beriletin 117 million teńgeni qaida jumsaitynyn aitpady, - dep habarlaidy Dalanews.kz Ulysmediaǵa siltep.
Jambyl oblysynyń aimaqtyq kommýnikatsiialar qyzmetinde baspasóz máslihatyna qatysqan Olimpiada chempiony Eldos Smetovke "memleketten alǵan qarajatty qaida jumsaisyz?" degen suraqqa jaýap berdi.
– Ár sportshynyń armany – artynan jaqsy bir mektep ashylsa degen oi. Qyzmet jasap, jinaǵan tájiribeni bóliskenge ne jetsin!? Memleketten ár sportshyǵa ártúrli deńgeide beriletin qarajat bar. Ár adam óziniń jasap jatqan jumysyna qarajat alady. Ol qarajat - aidyń aiaǵynda túsetin ailyqtaryńyz siiaqty. Sol ailyqty qalai jaratasyń dep surasa – qalai jaýap berer edińiz. Bul jeke ómir ǵoi. Sol siiaqty bul ár adamnyń jeke ómiri Bul meniń otbasyma, etken eńbegime, tóken terime, jetken jetistigime berilip jatqan baǵa. Qalai jaratam, ne istep jaratam - jeke ómirime qatysty dep oilaimyn. Bul tórt jyldyq ailyq siiaqty. Jeke suraqty qoiýdyń qajeti joq dep oilaimyn, – dedi Eldos Smetov.
Memleketten Eldos Smetovke altyn medal alǵany úshin 250 myń AQSh dollary beriledi. Bul teńgemen shaqqanda 117 mln teńgeden asady.
Aita keteiik,qazaq palýany Eldos Smetov Parijdegi oiyndardyń finalynda Lýka Mheidzemen (Frantsiia) kúresip, qarsylasynan basym tústi.
Osylaisha, Eldos Smetov olimp shyńyn baǵyndyryp, esimin qazaq sporty tarihyna altyn árippen qashap jazdy.
Tarazdyq tatami sheberi osyǵan deiin 2016 jyly Rio Olimpiadasynda finalǵa shyqqanymen qarsylasyna ese jiberip, kúmispen kúptelgen. Al Tokiodaǵy oiyndarda Tornike Chkadýany jyǵyp, úzdik úshtikti túiindegen. Eldos ómirindegi basty beldesýde bar sheberligin pash etti.
