– ءار سپورتشىنىڭ ارمانى – ارتىنان جاقسى ءبىر مەكتەپ اشىلسا دەگەن وي. قىزمەت جاساپ، جيناعان تاجىريبەنى بولىسكەنگە نە جەتسىن!؟ مەملەكەتتەن ءار سپورتشىعا ءارتۇرلى دەڭگەيدە بەرىلەتىن قاراجات بار. ءار ادام ءوزىنىڭ جاساپ جاتقان جۇمىسىنا قاراجات الادى. ول قاراجات - ايدىڭ اياعىندا تۇسەتىن ايلىقتارىڭىز سياقتى. سول ايلىقتى قالاي جاراتاسىڭ دەپ سۇراسا – قالاي جاۋاپ بەرەر ەدىڭىز. بۇل جەكە ءومىر عوي. سول سياقتى بۇل ءار ادامنىڭ جەكە ءومىرى بۇل مەنىڭ وتباسىما، ەتكەن ەڭبەگىمە، توكەن تەرىمە، جەتكەن جەتىستىگىمە بەرىلىپ جاتقان باعا. قالاي جاراتام، نە ىستەپ جاراتام - جەكە ومىرىمە قاتىستى دەپ ويلايمىن. بۇل  ءتورت جىلدىق ايلىق سياقتى. جەكە سۇراقتى قويۋدىڭ قاجەتى جوق دەپ ويلايمىن،  – دەدى ەلدوس سمەتوۆ.

مەملەكەتتەن ەلدوس سمەتوۆكە التىن مەدال العانى ءۇشىن 250 مىڭ اقش دوللارى بەرىلەدى. بۇل تەڭگەمەن شاققاندا 117 ملن تەڭگەدەن اسادى.

ايتا كەتەيىك،قازاق پالۋانى ەلدوس سمەتوۆ پاريجدەگى ويىنداردىڭ فينالىندا لۋكا محەيدزەمەن (فرانسيا) كۇرەسىپ، قارسىلاسىنان باسىم ءتۇستى.

وسىلايشا، ەلدوس سمەتوۆ وليمپ شىڭىن باعىندىرىپ، ەسىمىن قازاق سپورتى تاريحىنا التىن ارىپپەن قاشاپ جازدى.

تارازدىق تاتامي شەبەرى وسىعان دەيىن 2016 جىلى ريو وليمپياداسىندا فينالعا شىققانىمەن قارسىلاسىنا ەسە جىبەرىپ، كۇمىسپەن كۇپتەلگەن. ال توكيوداعى ويىنداردا تورنيكە چكادۋانى جىعىپ، ۇزدىك ۇشتىكتى تۇيىندەگەن. ەلدوس ومىرىندەگى باستى بەلدەسۋدە بار شەبەرلىگىن پاش ەتتى.