Óskemende QR Premer-Ministri Álihan Smaiylov pen QR Prezidenti Ákimshiliginiń Basshysy Murat Nurtileý Shyǵys Qazaqstan oblysynyń barlyq deńgeidegi máslihattar depýtattarynyń jinalysyna qatysty.
Álihan Smaiylov Memleket basshysynyń óńir ákimi laýazymyna Danial Kenjetaiuly Ahmetov pen Renat Tileýhanuly Qurmambaevtyń kandidatýralaryn qaraýǵa engizý týraly hatyn oqydy.
Ashyq daýys berý qorytyndysy boiynsha 117 depýtattyń 94-i D. Ahmetovke, 23 depýtat R. Qurmambaevqa daýys berdi.
Oblys aktivimen kezdesýde Premer-Ministr óńirde Danial Ahmetov jumys istegen kezeńde iri ónerkásiptik jáne aýyl sharýashylyǵy jobalary iske asyrylǵanyn atap ótti.
Áleýmettik maqsattaǵy ondaǵan nysan, onyń ishinde mektepter, aýrýhanalar, sport ortalyqtary salynyp, qurylys jumystary júrýde. Jalpy alǵanda Shyǵys Qazaqstan oblysy búginde negizgi ekonomikalyq kórsetkishter boiynsha oń nátijege jetip otyr.
Álihan Smaiylov basym mindetter retinde QR Prezidentiniń sailaýaldy baǵdarlamasyn oryndaý jónindegi is-sharalar jospary sheńberinde óńirdi odan ári damytý jónindegi júieli sharalardy iske asyrý ekenin atap ótti.
«Bul qujatta ekonomikada, áleýmettik salada jáne óńirlik saiasatta halyqtyń ómir súrý deńgeii men ál-aýqatyn arttyrýǵa baǵyttalǵan naqty ózgerister qarastyrylǵan», — dedi Premer-Ministr.
Onyń aitýynsha, aldaǵy jyldary ulttyq jobalar aiasynda 4,2 myń oqýshyǵa arnalǵan 10 jańa mektep, 36 alǵashqy meditsinalyq-sanitariialyq kómek nysandaryn ashyp, 1 aýdandyq aýrýhanany jańǵyrtý josparlanýda. Budan basqa, aýyldyq eldi mekenderde agrarlyq sektordy, kásipkerlikti damytý jáne jalpy aýylda ómir súrý sapasyn arttyrý jóninde sharalar qabyldanady.
Sonymen qatar Premer-Ministr jylytý maýsymyn turaqty ótkizý, turǵyn úi-kommýnaldyq infraqurylymdy jańǵyrtý, metallýrgiia jáne mashina jasaý salallaryn damytý jónindegi qadamdardy iske asyrý, sondai-aq ekologiialyq ahýaldy jaqsartý qajettigine nazar aýdardy.
