Veterinariialyq-sanitariialyq qaýipsizdik salasyndaǵy memlekettik aýditten keiin 28 adam jaýapqa tartyldy, dep habarlaidy Dalanews.kz.
Joǵary aýditorlyq palata júrgizgen aýditten keiin veterinariialyq, fitosanitariialyq jáne azyq-túlik qaýipsizdigin qamtamasyz etýge jaýapty birqatar laýazymdy adam men maman tártiptik jaýapqa tartyldy. Bul saladaǵy tekseris biyl tamyzda ótkizilip, onyń barysynda túrli zańbuzýshylyqtar men kemshilikter anyqtaldy.
Nátijesinde 28 jaýapty adam ártúrli tártiptik jaýapkershilikke tartyldy.
- QR Aýyl sharýashylyǵy ministrligi: Strategiialyq josparlaý jáne taldaý departamentiniń direktory, ǵylymi qamtamasyz etý, ishki saýda jáne mikrokreditteýdi monitoringteý basqarmalarynyń basshylary;
- Veterinariialyq baqylaý jáne qadaǵalaý komiteti: Komitet tóraǵasynyń orynbasary, tamaq ónimderiniń qaýipsizdigi jáne biologiialyq qaýipsizdik basqarmalarynyń basshylary, «Respýblikalyq veterinariialyq zerthana» ShJQ RMK bas direktorynyń orynbasary;
- Agroónerkásiptik keshendegi memlekettik inspektsiia komiteti: Komitet tóraǵasynyń orynbasary, Jambyl oblystyq aýmaqtyq inspektsiiasynyń basshysy, Almaty qalasy boiynsha aýmaqtyq inspektsiianyń býhgalterlik esep bóliminiń basshysy;
- «Azyq-túlik kelisimshart korporatsiiasy» UK» AQ: Aýyl sharýashylyǵy ónimderin esepke alý jáne saqtaý departamentiniń direktory, basqarýshy direktor – Basqarma múshesi;
- Qazaqstan eginshilik jáne ósimdik sharýashylyǵy ǵylymi-zertteý institýty: Basqarma tóraǵasynyń ǵylym jónindegi orynbasary, bas ekonomist, bas býhgalter, maily daqyldar zerthanasynyń meńgerýshisi;
- Qazaqstan qaita óńdeý jáne taǵam ónerkásibi ǵylymi-zertteý institýty: bas ǵylymi qyzmetkerler, bas injener, Semei filialynyń býhgalteri;
- S. Seifýllin atyndaǵy Qazaq agrotehnikalyq zertteý ýniversiteti: Ǵylym jáne innovatsiialar departamenti direktorynyń orynbasary;
- «Pavlodar» áleýmettik-kásipkerlik korporatsiiasy: Kredit berý jáne aktivterdi basqarý departamentiniń direktory;
- «Tobyl» ÁKK: investitsiialyq jobalar jáne indýstriialyq aimaqty damytý departamenti direktorynyń m.a.;
- «Soltústik» ÁKK jáne «KOKSHE» ÁKK jaýapty qyzmetkerleri.
