15 mamyrda Slovakiianyń premer-ministri Robert Fitsoǵa qastandyq jasaldy. Túrli media premerge operatsiia jasalǵanyn habarlady, - dep habarlaidy Dalanews.kz.
15 mamyrda keshki ýaqytta 59 jastaǵy Fitsoǵa úsh saǵattai operatsiia jasalǵany, jaǵdaiy aýyr ekeni habarlanǵan bolatyn.
«Premer-ministrdiń jaǵdaiy aýyr, ómirine qaýip tónip tur», - degen edi eldiń IIM basshysy.
Al vitse-premer Tomash Taraba BBC-ge bergen suhbatynda premerdiń ómirine eshqandai qaýip tónip turǵan joq ekenin jetkizgen.
«Meniń bilýimshe, operatsiia sátti ótti. Aman qalady», - dedi vitse-premer.
Premer-ministr Robert Fitsoǵa kúndizgi ýaqytta Gandlova qalasynda qastandyq jasalǵan. Ol úkimet otyrysynan shyqqan kezi bolatyn. Premer turǵyndarmen sóilesýge kele jatqan kezde belgisiz bireý Fitsoǵa birneshe ret oq atyp jibergen.
Kúzetshiler jaralanǵan premerdi kólikke otyrǵyzyp alyp ketken. Al politsiia qastandyq jasaǵan adamdy birden ustap alǵan.
Bastapqyda jergilikti bilik shabýyl jasaǵan adamnyń kim ekenin aitpaǵan edi. Artynsha jýrnalister qastandyq jasaǵan adam 71 jastaǵy jazýshy jáne saiasi qairatker ekenin anyqtap alǵan. Kóp uzamai bul aqparatty ishki ister ministr rastaǵan. Ministrdiń sózinshe, vitse-premer ishine oq tigen.
«Bastapqy aqparat boiynsha, onyń qastandyq jasaýynda saiasi astar bolýy múmkin», - deidi ministr.
Aita keteiik, bul jaitqa qatysty Prezident Qasym-Jomart Toqaev pikir bildirgen bolatyn. Ol Slovakiia Premer-ministri Robert Fitsoǵa qastandyq jasalýyna bailanysty bul terrorlyq áreketti qatań aiyptaitynyn jáne mundai qaraýlyqty múlde aqtaýǵa bolmaitynyn málimdedi.
"Qazaqstan men Slovakiiany uzaq jylǵy dostyq pen ózara tiimdi yntymaqtastyq qatynastar bailanystyrady. Bul igilikti iste Premer-ministr Robert Fitso eleýli ról atqardy.Memleket basshysy Qasym-Jomart Toqaev Robert Fitsonyń tezirek saýyǵyp ketýine tilektestik bildirdi",- delingen Aqorda habarlamasynda.
