Premer-ministrdiń birinshi orynbasary Roman Skliardyń málimdemesinen soń dollar arzandady, dep habarlaidy Dalanews.kz.
KASE-degi kúndizgi saýda-sattyq qorytyndysy boiynsha dollardyń ortasha baǵamy 540,78 teńge bolyp, 5,42 teńgege tómendedi.
Ulttyq banktiń 31 shildedegi resmi baǵamy - bir dollar úshin 546,36 teńge.
kurs.kz derekteri boiynsha qazir Almatynyń aqsha aiyrbastaý oryndarynda dollardy satyp alýdyń ortasha baǵamy 539,77 teńgege, satý baǵamy 542,25 teńgege teń. Astanada amerikalyq valiýtany orta eseppen 538,39 teńgeden satyp alyp, 545,38 teńgeden satyp jatyr.
Búgin premer-ministrdiń orynbasary Roman Skliar Qazaqstanda dollar baǵamy kúrt kóterilýine qatysty pikir bildirdi. Onyń aitýynsha, Ulttyq bank - memlekettik organdar ierarhiiasyndaǵy jeke qurylym ári ol Úkimetke baǵynbaidy.
"Olar aqsha-nesie saiasatyn jaǵdaiǵa qarap júrgizedi. Biraq meniń jáne áriptesterimniń boljamy boiynsha "dollar baǵamy áli de keri ketedi, ol sonshalyq joǵary bolmaýǵa tiis". Buǵan deiin de osyndai jaǵdailar bolǵan, naryq aqyrynda turaqtalady. Ulttyq bank te óz tarapynan qajet sharalardy atqaratynyna senimdimin", – dep sózin qorytyndylady Roman Skliar búgin brifingte.
