«SK-Farmatsiia» kompaniiasyn taǵy da qarjyger, kásipker basqaratyn boldy
E. Esqaliev 1976 jyly Almaty qalasynda týǵan. «Bratev Karich» ýniversitetiniń Bank isi jáne saýda akademiiasyn, «Ádilet» joǵary quqyq mektebin, Halyqaralyq biznes akademiiasyn, T. Rysqulov atyndaǵy Qazaq ekonomikalyq ýniversitetin, Halyqaralyq biznes mektebin bitirgen.
1999 jyldan 2003 jyl aralyǵynda Atyraý oblysy ákimdiginiń, Memlekettik kiris ministrliginiń, Qarjy ministrliginiń, «Qazaqstan Temir Joly» ulttyq kompaniiasynyń qurylymynda jumys istedi.
2003-2006 jj. – «Qazaqstannyń Damý Banki» AQ basqarýshy direktory.
2006 jyldan 2008 jyl aralyǵynda «QDB-LIZING» AQ basqarma tóraǵasy boldy.
2008-2009 jj. – «QAZTEMIRTRANS» prezidenti.
2009 jyldan 2010 jyl aralyǵynda – QR Indýstriia jáne saýda ministrliginiń vitse-ministri.
2010-2011 jj. – «Qazaqstan Temir Joly» Ulttyq kompaniiasy» AQ prezident keńesshisi.
2011 jyldan 2013 jyl aralyǵynda – «Qazaqstan Temir Joly» Ulttyq kompaniiasy» AQ logistika jónindegi vitse-prezidenti.
2013-2015 jj. – «KAZLOGISTICS» Qazaqstan kólik odaǵy» ZTB bas direktory. 2015 jyldan 2016 jyl aralyǵynda «Birikken kólik-logistikalyq kompaniia» AAQ birinshi vitse-prezidenti bolyp eńbek etti. 2016-2018 jj. – «Samuryq-Qazyna» Ulttyq ál-aýqat qory» Kólik jáne logistika» salalyq direktsiiasynyń direktory».
2018 jyldyń mamyr aiynan qazirgi ýaqytqa deiin Ulttyq kásipkerler palatasynyń Kólik logistikasy ishki komitetiniń tóraǵasy qyzmetin atqardy.
Eske sala ketsek, úkimettiń keńeitilgen otyrysynda Memleket basshysy «SQ-Farmatsiia» JShS-nyń basqarma tóraǵasy Berik Shárip pen «Áleýmettik meditsinalyq saqtandyrý qory» KEAQ basqarma tóraǵasy Aibatyr Jumaǵulovty qyzmetinen bosatýdy tapsyrǵan edi.
