ق ر پرەمەر-مينيسترىنىڭ كەلىسىمىمەن ەسقالييەۆ ەرحات سەرىك ۇلى «سك-فارماسيا» ج ش س باسقارما ءتوراعاسى قىزمەتىنە تاعايىندالدى. بۇل تۋرالى ق ر پرەمەر-مينيسترىنىڭ باسپا ءسوز قىزمەتى حابارلادى. 

ە. ەسقالييەۆ 1976 جىلى الماتى قالاسىندا تۋعان. «براتيەۆ كاريچ» ۋنيۆەرسيتەتىنىڭ بانك ءىسى جانە ساۋدا اكادەمياسىن، «ادىلەت» جوعارى قۇقىق مەكتەبىن، حالىقارالىق بيزنەس اكادەمياسىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، حالىقارالىق بيزنەس مەكتەبىن بىتىرگەن.

1999 جىلدان 2003 جىل ارالىعىندا اتىراۋ وبلىسى اكىمدىگىنىڭ، مەملەكەتتىك كىرىس مينيسترلىگىنىڭ، قارجى مينيسترلىگىنىڭ، «قازاقستان تەمىر جولى» ۇلتتىق كومپانياسىنىڭ قۇرىلىمىندا جۇمىس ىستەدى.

2003-2006 جج. – «قازاقستاننىڭ دامۋ بانكى» اق باسقارۋشى ديرەكتورى.

2006 جىلدان 2008 جىل ارالىعىندا «قدب-ليزينگ» اق باسقارما ءتوراعاسى بولدى.

2008-2009 جج. –  «قازتەمىرترانس» پرەزيدەنتى.

2009 جىلدان 2010 جىل ارالىعىندا – ق ر يندۋستريا جانە ساۋدا مينيسترلىگىنىڭ ۆيسە-مينيسترى.

2010-2011 جج. – «قازاقستان تەمىر جولى» ۇلتتىق كومپانياسى» اق پرەزيدەنت كەڭەسشىسى.

2011 جىلدان 2013 جىل ارالىعىندا – «قازاقستان تەمىر جولى» ۇلتتىق كومپانياسى» اق لوگيستيكا جونىندەگى ۆيسە-پرەزيدەنتى.

2013-2015 جج. – «KAZLOGISTICS» قازاقستان كولىك وداعى» زتب باس ديرەكتورى.  2015 جىلدان 2016 جىل ارالىعىندا «بىرىككەن كولىك-لوگيستيكالىق كومپانيا» ااق ءبىرىنشى ۆيسە-پرەزيدەنتى بولىپ ەڭبەك ەتتى.  2016-2018 جج. – «سامۇرىق-قازىنا» ۇلتتىق ءال-اۋقات قورى» كولىك جانە لوگيستيكا» سالالىق ديرەكسياسىنىڭ ديرەكتورى».

2018 جىلدىڭ مامىر ايىنان قازىرگى ۋاقىتقا دەيىن ۇلتتىق كاسىپكەرلەر پالاتاسىنىڭ كولىك لوگيستيكاسى ىشكى كوميتەتىنىڭ ءتوراعاسى قىزمەتىن اتقاردى.

ەسكە سالا كەتسەك، ۇكىمەتتىڭ كەڭەيتىلگەن وتىرىسىندا مەملەكەت باسشىسى «سق-فارماسيا» جشس-نىڭ باسقارما ءتوراعاسى بەرىك ءشارىپ پەن «الەۋمەتتىك مەديسينالىق ساقتاندىرۋ قورى» كەاق باسقارما ءتوراعاسى ايباتىر جۇماعۇلوۆتى قىزمەتىنەن بوساتۋدى تاپسىرعان ەدى.