"Hattama toltyryldy. Monıtorıń tobynan zań buzýshylyqty rastaıtyn barlyq qaǵaz-qujatty kútip otyrmyz.
Rastaıtyn raporttardy alǵannan keıin biz sharany uıymdastyrýshylarǵa aıyppul salamyz", – dep túsindirdi Bekshın.
Saǵyntaevtyń aıtýynsha aıyppul salýdy sozbalaýdyń qajeti joq, sebebi álemjelilerde jáne barlyq aqparat quraldarynda karantınniń buzylǵany anyq kórinetin vıdeo jáne fotosýretter órip júr.
"Rastaıtyn qujattar aqparat quraldarynda jarıalandy. Sizge taǵy ne kerek?", – dedi ákim Bekshınge.
"Jumys reti boıynsha bizge túsinikteme qajet, bul qujattardyń barlyǵy aýdandyq ákimshilikten keledi. Buǵan tek monıtorıń toby ǵana quqyly", – dep jaýap qatty Bekshın.
"Oqıǵanyń oryn alǵany aıqyn, fakt bar, sheshim qabyldaý kerek. Onda taǵy ne dáleldeý qajet? Barlyǵy biledi", – dedi Saǵyntaev.
Aıta ketelik buǵan deıin Bekshın Almaty qalasynda koronavırýstyń tórtinshi tolqyny bastalǵanyn aıtqan.
"Úshinshi tolqynnyń sebebi ulybrıtanıalyq shtamnyń tirkelýi. Ol basylmaı, jańadan tórtinshi tolqyn bastalyp jatyr. Onyń basty sebebi - ulybrıtanıalyq shtamǵa úndi shtamy "delta" qosyldy", – degen bolatyn Bekshın ÓKQ alańynda ótken brıfıńte.
https://dalanews.kz/news/66288-qashyqtan-oqygannyng-paydasy-shamaly-oq?fbclid=IwAR2qKwO5WkOomMDC6-yuTd_c-NJv5CekpZHBd94Lxd8pfZg01P7QFaOAEok
