Praimeriz kezinde aqparat quraldarynda kandidattar tarapynan daýys berýde burmalaýshylyqqa jol berilgeni jaily az jazylǵan joq.
Aitalyq Nur-Sultan qalasyndaǵy Almaty jáne Baiqońyr aýdandarynda Elbasynyń ádil báseke týraly bastamasyn burmalap, praimeriz ótkizýde zań buzýshylyqqa jol bergen faktiler der ýaqytynda anyqtaldy.
Atap aitqanda atalǵan aýdandarda partiia músheleriniń nómirin sapyrystyryp jibergen, budan bólek kámeletke tolmaǵan myńdaǵan jasóspirimdi partiia qataryna jappai qabyldaǵan. Jastar partiia qataryna ótip ketkenin múlde bilmegen.
Álbette mundai áreketter "Nur Otan" partiiasy Nur-Sultan qalasy filialynyń birinshi orynbasary Erlan Qanalimovtyń aralasýymen júzege asqany aidan anyq. Praimeriz kezinde ádil básekege jol bermei, daýys berýge yqpal etken jańa faktiler álige deiin áshkere bolýda.
Áleýmettik jelide jariialanyp, el nazaryn aýdarǵan myna jait tipti jaǵa ustatady!
Álemjelide taraǵan aqparat boiynsha "Nur Otannyń" depýtattyqqa úmitker kandidaty tizimine daýys berý naýqanyna qatyspaǵan jáne partiianyń qalalyq kvotasy boiynsha usynylmaǵan kóldeneń adam ótip ketken.
Áleýmettik jelidegi Za nami ýje vyehali arnasynyń habarlaýynsha "Nur Otannyń" partiialyq tizimine sailaýǵa qatyspaǵan, qalalyq kvota boiynsha usynylmaǵan kóldeneń adam ótip ketken.
Osydan eki kún buryn "Nur Otan" óziniń 78 adamnan turatyn partiialyq tizimin jariialaǵan edi. Osy tizimde aty atalǵan azamattar Májilis pen Máslihattaǵy orynǵa talasady.
Al bul tizimge partiianyń óz ishinde daýys berý, bylaisha aitqanda praimeriz arqyly kóp daýys jinaǵan kandidattar ótedi.
Za nami ýje vyehali arnasynyń jazǵanyndai bul tizimde Gúljan Myrzáliqyzy Bekenova degen áldebireý júr. Ol partiialyq kvota boiynsha ótken delinedi. Qujatta Bekenovanyń praimerizge qatysyp 3129 daýys jinaǵany, sóitip Alataý aýdany boiynsha kósh bastaǵany týraly jazylǵan.
"Alaida daýys berý nátijesi jariialanǵan portalda da, tipti partiia kvotasynda da Gúljan Bekenovanyń aty atalmaǵan. Praimerizdiń resmi saitynda onyń esim-soiy joq. Álgi saitta Alataý aýdany boiynsha eń kóp daýysty múlde basqa adam jinady dep kórsetilgen. Sonda bul azamat partiianyń qorytyndy tizimine qalai ótip ókten?", – deidi tańdanysyn jasyrmaǵan Za nami ýje vyehali arnasy.
Alaida bul jalǵyzlikti jaǵdai emes.
Keibir derekkózge taratqan aqparatqa qaraǵanda "Nur Otan" partiiasy Nur-Sultan qalasy filialynyń birinshi orynbasary Erlan Qanalimov óziniń qyzmettik yqpalyn paidalanyp, partiia delegattaryna ózine qolaily adamdarǵa daýys berýge májbúrlegen.
Ári praimerizdiń alǵashqy satysynan ótken shynaiy jeńimpazdardy Májiliske óz kandidatýrasyn usynýdan bas tartýǵa tabandy túrde talap etken.
Bul usynysqa kónbegenderiń kandidatýrasyn taǵy da qyzmettik quziretin paidalanyp tizimnen syzyp tastaýǵa kúsh salǵan. Bylaisha aitqanda Qanalimov praimeriz nátijesin sapyrystyryp, tizimdegi óziniń adamdaryn qoldap, "komanda" jasaqtamaq bolǵan. Shyn jeńimpazdardan tómen turǵan kandidattar aiaq astynan tizimniń tóbe basyna shyǵyp ketken.
Derekkózdiń jazǵanyndai Qanalimov munymen baiyzdamai partiia kvotasyna óz adamyn tyqpalap, Nur-Sultan qalasy máslihatynyń hatshysy bolýdy kózdep otyr.
"Osy arada mynadai saýal týyndaidy: partiianyń tómengi deńgeiindegi jetekshileri osy arqyly "Nur Otannyń" imidjine nuqsan keltirip otyrǵanyn bile me? Praimerizde shyn jeńiske jetken azamattar depýtat atana almasa bul naýqandy nesine ótkizdi? Bul baryp turǵan kózaldaý!", – deidi derekóz.
