Qazaqstannyń Ýkrainadaǵy elshiligi qazaqstandyqtarǵa mańyzdy aqparat taratyp, úndeý jasady, - dep habarlaidy Dalanews.kz.
Elshilik Ýkrainada júrgen Qazaqstan azamattaryna elden ketýge keńes berdi.
"Ýkrainada artilleriialyq atqylaý men áýe shabýyly jiileýine bailanysty qaýipsizdik maqsatynda Qazaqstannyń Ýkrainadaǵy elshiligi Qazaqstan azamattaryna belsendi urys qimyldary júrgizilip jatqan jerlerge jaqyn aýmaqtardan nemese Ýkrainadan ketý múmkindigin qarastyrýdy usynady", - dep jazylǵan elshilik habarlamasynda.
Elshilik azamattardy áýe shabýyly týraly eskertýge qulaq asýǵa, jáne dereý baspanalaryna barýǵa, qaýipsizdik sharalaryn saqtaýǵa jáne resmi organdardyń usynystaryn oryndaýǵa shaqyrdy.
"Ýkrainadan Qazaqstanǵa barý úshin Qazaqstan Respýblikasynyń azamattary jerústi baǵyttaryn: Polsha nemese Moldova arqyly, odan ári kommertsiialyq áýe qatynasyn paidalana alatynyn eskeremiz. Polsha arqyly ketken jaǵdaida Qazaqstan azamattarynda Shengen vizasy bolýy kerek. Moldovaǵa kirý úshin viza qajet emes", - dep jazylǵan habarlamada.
Elshiliktiń konsýldyq bóliminiń bailanys telefondary: +38(044) 4831596, +38(044) 4891031. Qazaqstan azamattaryna arnalǵan senim telefony (tótenshe jaǵdai kezinde): +380673470408.
