سىرتقى ٸستەر مينيسترلٸگٸ ۋكرايناداعى قازاقستاندىقتارعا شۇعىل ٷندەۋ جاسادى

قازاقستاننىڭ ۋكرايناداعى ەلشٸلٸگٸ قازاقستاندىقتارعا ماڭىزدى اقپارات تاراتىپ, ٷندەۋ جاسادى, - دەپ حابارلايدى Dalanews.kz. 

ەلشٸلٸك ۋكراينادا جٷرگەن قازاقستان ازاماتتارىنا ەلدەن كەتۋگە كەڭەس بەردٸ.

"ۋكراينادا ارتيللەرييالىق اتقىلاۋ مەن ەۋە شابۋىلى جيٸلەۋٸنە بايلانىستى قاۋٸپسٸزدٸك ماقساتىندا قازاقستاننىڭ ۋكرايناداعى ەلشٸلٸگٸ قازاقستان ازاماتتارىنا بەلسەندٸ ۇرىس قيمىلدارى جٷرگٸزٸلٸپ جاتقان جەرلەرگە جاقىن اۋماقتاردان نەمەسە ۋكراينادان كەتۋ مٷمكٸندٸگٸن قاراستىرۋدى ۇسىنادى", - دەپ جازىلعان ەلشٸلٸك حابارلاماسىندا.

ەلشٸلٸك ازاماتتاردى ەۋە شابۋىلى تۋرالى ەسكەرتۋگە قۇلاق اسۋعا, جەنە دەرەۋ باسپانالارىنا بارۋعا, قاۋٸپسٸزدٸك شارالارىن ساقتاۋعا جەنە رەسمي ورگانداردىڭ ۇسىنىستارىن ورىنداۋعا شاقىردى.

"ۋكراينادان قازاقستانعا بارۋ ٷشٸن قازاقستان رەسپۋبليكاسىنىڭ ازاماتتارى جەرٷستٸ باعىتتارىن: پولشا نەمەسە مولدوۆا ارقىلى, ودان ەرٸ كوممەرتسييالىق ەۋە قاتىناسىن پايدالانا الاتىنىن ەسكەرەمٸز. پولشا ارقىلى كەتكەن جاعدايدا قازاقستان ازاماتتارىندا شەنگەن ۆيزاسى بولۋى كەرەك. مولدوۆاعا كٸرۋ ٷشٸن ۆيزا قاجەت ەمەس", - دەپ جازىلعان حابارلامادا.

ەلشٸلٸكتٸڭ كونسۋلدىق بٶلٸمٸنٸڭ بايلانىس تەلەفوندارى: +38(044) 4831596, +38(044) 4891031. قازاقستان ازاماتتارىنا ارنالعان سەنٸم تەلەفونى (تٶتەنشە جاعداي كەزٸندە): +380673470408.