Túrkistan oblysynda shirkeige qarsy dezinsektsiialyq sharalar úzdiksiz júrgizilýde. Syrdariia ózeniniń boiyna ǵylymi saraptama qorytyndysy negizinde ziiansyz, biraq tiimdi «Baktitsid» biopreparatynyń 19 440 litri quiyldy, dep habarlaidy Dalanews.kz
Bul – ekojúiege ziian keltirmei, shirkeidiń dernásil satysynda joiylýyn qamtamasyz etetin zamanaýi sheshim. Biologiialyq dárileý jumystaryn júrgizý barysynda jumystardyń sapaly júrgizý týraly jáne tehnikalyq qaýipsizdikti saqtaý týraly nusqamalar berildi. Bul jumystarǵa 8 arnaiy tehnika, 6 qaiyq, 28 adam jumyldyrylǵan.
Sondai-aq oblys aýmaǵyndaǵy barerlik himiialyq óńdeý jumystary qarqyndy jalǵasyp jatyr. Árbir eldi meken jeke qaralyp, ereksheligine bailanysty balama himiialyq insektitsidti preparattar qoldanýda. Bul jumystarǵa 38 tolyq jetekti jeńil avtokólik (búrký júielerimen), 18 arqaǵa asylatyn búrikkish, 4 termoóńdeý jáne áýe drondary jumyldyrylǵan. Kólik jetpeitin aimaqtarǵa arnaiy drondar qoldanylýda.
Dezinsektsiia jumystary Túrkistan, Arys qalalary men Shardara, Saýran, Otyrar aýdandarynda kúndelikti kúsheitilgen rejimde júrgizilýde. Jumys barysy oblys ákimi Nuralhan Kósherovtiń qatań baqylaýynda.
