Sotqa aiyptalýshy Azat Azamatov jetkizildi.
Burynǵy politsei Qylmystyq kodekstiń 345-shi baby boiynsha aiyptalýda.
25-shi mamyrda tańǵy saǵat 5:20-da aiyptalýshy Azat Azamatov mas kúide BMW avtokóligin basqaryp kele jatyp, jyldamdyqty arttyryp, blok beketke jáne politsiianyń qyzmettik avtokóligine soǵyldy. Nátijesinde eki qyzmetker qaitys bolyp, úshinshisi jaraqat aldy, dedi prokýror.
Aiyptaý aktin tyńdap turǵan kezde marqumdardyń týystarynyń kózinen jas shyqty.
Qurmetti sot, men óz kinámdi moiyndap, jasaǵan áreketim úshin ókinemin, - dedi Azat Azamatov.
Azamatov apat bolǵan sátte uiyqtap ketkenin aitty. Onyń sózinshe, 24 mamyrda ony Kóksai aýylyna kezdesýge shaqyrǵan, ol sol aýylda kóliktiń ishinde syra ishken.
Jol politsiiasynda jumys isteitin úsh áriptesimmen birge syra ishtik. Olar meniń burynǵy áriptesterim. Basqa eshteńe esimde joq, esimdi aýrýhanada jidym. Kólik apatyn jasadyń deidi, meniń esimde eshteńe joq, - dedi Azamatov.
Ol aýyldan shamamen saǵat 23.00-de shyqqannyn aitty. Ústinde shorty men fýtbolka bolǵanyn aitty.
Buryn birge istegen jigitter syra ishýge shaqyrdy. Máshineniń ishinde ishtik, men eki-úsh banka syra ishtim. Sosyn óship qalyppyn, esimde joq, - dedi Azamatov.
