Soltústik Kiprde 22 jastaǵy Qazaqstan azamatyna belgisiz er adam pyshaqpen shabýyl jasady. Zardap shekken qyz aýyr hálde aýrýhanaǵa jetkizilgen, dep habarlaidy dalanews.kz.
Qazaqstannyń Syrtqy ister ministrligi oqiǵa týraly habardar ekenin málimdep, qazaqstandyq diplomattardyń mán-jaidy anyqtap jatqanyn habarlady.
"Qazirgi ýaqytta qazaqstandyq diplomattar oqiǵanyń barlyq mán-jaiyn anyqtaýda jáne jergilikti quzyrly organdarmen turaqty bailanysta. Atalǵan másele ministrliktiń baqylaýynda", - dep málimdedi vedomstvo.
Jergilikti buqaralyq aqparat quraldarynyń málimetinshe, oqiǵa 3 tamyz kúni sýpermarketterdiń birinde bolǵan. Belgisiz er adam 22 jastaǵy qazaqstandyq qyzǵa pyshaqpen shabýyl jasaǵan. Odan keiin kúdikti ózine de dene jaraqatyn salǵan.
Oqiǵa saldarynan ekeýi de aýrýhanaǵa jetkizilgen. Dárigerlerdiń málimetinshe, qazaqstandyq qyzdyń jaǵdaiy aýyr. Oqiǵanyń sebepteri men mán-jaiy boiynsha tergeý júrgizilip jatyr.
