Abaı atyndaǵy Qazaq ulttyq pedagogıkalyq ýnıversıteti oqý orynda sybaılas jemqorlyqqa tózbeýshilikti qalyptastyrýda kóptegen jumystar atqarýda.

Bul joly oqý oryn «SANALY URPAQ» jobasy aıasynda 2021-2022 oqý jylyna arnalǵan sybaılas jemqorlyqqa qarsy is-qımyl josparynyń 1.1 tarmaǵyna sáıkes (jastar pikiri kóshbasshylarynyń qatarynan spıkerler pýlyn qalyptastyrý) sybaılas jemqorlyqqa qarsy dáristerdi oqý-ádistemelik qamtamasyz etý, oǵan qarsy is-qımyl týraly zańnamany keńinen túsindirý maqsatynda «Sanaly Urpaq» respýblıkalyq jobalyq keńsesiniń Quqyqtyq saıasatty zertteý ortalyǵymen (LPRC) birlesip uıymdastyrǵan Sybaılas jemqorlyqqa qarsy komplaens mektebine ýnıversıtetten 8 stýdenttiń kandıdatýrasy usynylyp, dáriske qatysý úshin konkýrstyq irikteý nátıjesinde «Quqyqtaný» mamandyǵynyń 2 kýrs magıstranttary Jeksebaev M. E. jáne Ydyrysova A.E. tańdap alyndy. Olar Mektepke qatysyp, bitirgendigi týraly sertıfıkattar alyp shyqty jáne budan bylaı jyl boıy uıymdastyrylatyn is-sharalarǵa spıker retinde shaqyrylatyn bolady.