2022 jyldyń osy kezeńde 450 adam jemqorlyq isine shatylyp, kúdikti retinde qolyna kisen salynǵan bolatyn. Sybailas jemqorlyq boiynsha quqyq buzýshylyqtar biylǵy jyly birshama tómendep, 234 aiyptalýshy sotqa tartylǵan.
Osy rette sybailas jemqorlyq quqyq buzýshylyq sanattary ártúrli bolyp keletinin Dalanews.kz aqparattyq agenttigi oqyrmandaryna eskerte ketýidiń mańyzy zor. Aitalyq, biyl qolǵa túsken 414 kúdiktiniń 307-si jemqorlyq boiynsha aýyr qylmystar, 88-i ortasha aýyrlyqtaǵy qylmystar, 16-sy asa aýyr qylmystary úshin zań aldynda jaýap berýde. Al úsh adamnyń aiyby jeńil emes qylmystarǵa jatyqylyǵan.
Al eger aimaqtar boiynsha sybailas jemqorlyq boiynsha kúdikke ilingenderdi jiktesek, qolǵa túskenderdiń basym bóligi Astana qalasynyń úlesine tigenin baiqaýǵa bolady. Bul rette oqyrmandar elordany jemqorlyq jailap alǵan ba dep oilap qalýy múmkin.
Elimizdegi ortalyq bilik oryndarynyń bári Astanada ornalasqanyn nazarǵa alatyn bolsaq, bas qalada jemqorlyq boiynsha qolyna kisin salynǵandardyń nege kóp ekenin túsinýge bolady. Jyl basynan beri Astanada 64 kúdikti jemqorlyq isi boiynsha quryqtalǵan. Bul ótken jylmen salystyrǵanda 14,3%-ǵa kóp. Kúdik deńgeii joǵary basqa oblystardyń qatarynda Almaty (55 adam, + 27,9%) men Túrkistan oblysy (37 adam, – 2,6%) tur.
Korrýptsiia boiynsha ustalǵandardyń kóbinese para berý (155 adam), para alý (124 adam), sybailas jemqorlyqpen alaiaqtyq (58 adam), basqalarǵa senip tapsyrylǵan bóten múlikti iemdený nemese jymqyrý (19 adam), qyzmettik ókilettigin asyra paidalaný (18 adam) boiynsha aiyp taǵylǵanyn aita ketýimiz kerek.
Memlekettik qurylymdar ishinde sybailas jemqorlyq faktileri boiynsha eń jii ushyraityn ishki ister organdary bolyp tur. Aiyptalýshylardyń jalpy sanynyń 26,1%-y nemese olardyń 61-i sotqa tartylǵan.
Elimizde sybailas jemqorlyqpen kúresý jáne memlekettik institýttarǵa senim ornatý úshin reformalar men ashyqtyq standarttaryn jedeldetip engizýdiń mańyzy zor.
QR Parlamenti Senatynyń Tóraǵasy Máýlen Áshimbaev Qazaqstandaǵy sybailas jemqorlyqqa qatysty oryn alyp otyrǵan máselelerge jaýap retinde jaqynda eldegi sybailas jemqorlyqqa qarsy sharalardy kúsheitýdi qoldaitynyn aitqan bolatyn. Senat otyrysynda Máýlen Áshimbaev:
– Sybailas jemqorlyqqa qarsy kúres organdary aldaǵy ýaqytta óz jumysyn kúsheitýi qajet. Jalpy, bul baǵyttaǵy jumystar júieli júrip, oǵan eshkim qol suqpaýy tiis. Eger sybailas jemqorlyq qylmysqa úlken laýazymdy adamdar barǵan bolsa, olar sot aldynda jaýap berip, zań normalaryna sáikes jaýapkershilikke tartylýy kerek, – degen bolatyn.
Bul málimdeme Qazaqstan biliginiń barlyq deńgeiinde sybailas jemqorlyqpen kúresýdegi tabandylyq tanytý isi qalyptasyp kele jatqanyn kórsetedi.
Osy rette Máýlen Áshimbaevtyń quqyq qorǵaý organdarynyń bul baǵyttaǵy jumystaryn kúsheitýin talap etýi óte oryndy. Sonymen qatar sybailas jemqorlyqqa qarsy kúres júrgizip jatqan organdardyń jumysy men kúsh-jigerin memlekettik deńgeide qoldaýdyń da mańyzy zor ekenin umytpaýymyz kerek.
