I.Jansúgirov atyndaǵy Jetisý ýniversitetinde QR Ǵylym jáne joǵary bilim ministrliginiń qoldaýymen «Qazaqstannyń sybailas jemqorlyqqa qarsy strategiiasynyń negizi retinde memlekettik qyzmetshilerdiń uiymdyq mádenietin arttyrý: syn-tegeýrinder, problemalar men perspektivalar» atty halyqaralyq ǵylymi-tájiribelik konferentsiia ótti. Atalmysh sharaǵa Polsha, Túrkiia, Ózbekstan jáne qazaqstandyq ǵalymdar, QR Sybailas jemqorlyqqa qarsy is-qimyl agenttiginiń Jetisý oblysy boiynsha departamenti jáne taǵy basqa da kúshtik qurylymdardyń basshylary qatysty.
Halyqaralyq konferentsiiany Basqarma Tóraǵasy - Rektor, zań ǵylymdarynyń doktory, professor Ermek Bóribaev ashyp, ministr S.Nurbektiń konferentsiia qatysýshylaryna arnaǵan hatyn oqyp berdi. Onda vedomstvo basshysy «Sybailas jemqorlyqqa qarsy kúres — tek zańnamalyq sharalar ǵana emes, sonymen qatar mádenietti qalyptastyrý men ǵylymi zertteýlerdi ushtastyrýdy talap etetin keshendi mindet. Sapaly bilim berý arqyly bolashaq mamandardy adaldyqqa, jaýapkershilikke tárbielep, jańa ǵylymi sheshimder men ádisnamalyq negizderdi ázirleý sybailas jemqorlyqtyń aldyn alý sharalarynyń tiimdiligin arttyrady»-dei kele konferentsiia jumysyna sáttilik tiledi.
Jiynda QR Sybailas jemqorlyqqa qarsy is-qimyl agenttiginiń Jetisý oblysy boiynsha departamenti basshysy, general-maior Saian Ahmetjanov, oblystyq politsiia departamentiniń bastyǵy, general-maior Sarqytbai Qusainov jáne oblystaǵy kúshtik qurylymdardyń basshylary sybailas jemqorlyqpen kúres jáne zań ústemdigi týrasynda baiandama jasady.
Konferentsiiaǵa qatysqan jetekshi ǵalymdar, sarapshylar, tájiribeli mamandar óz oilaryn ortaǵa salyp, sybailas jemqorlyqqa qarsy kúreste memlekettik qyzmetshilerdiń uiymdyq mádenietin arttyrýǵa qatysty tyń ideialaryn usyndy.
Aita keteiik, bul konferentsiia QR Ǵylym jáne joǵary bilim ministrligi Ǵylym komiteti qoldaýymen júzege asyrylyp jatqan «Qazaqstannyń memlekettik qyzmetiniń uiymdastyrýshylyq mádenietin transformatsiialaý arhitektonikasy» atty baǵdarlamalyq-nysanaly qarjylandyrý jobasynyń aiasynda uiymdastyrylyp otyr.
