Sonymen, Qyzylorda oblysynda atalǵan kezeńde jymqyrý faktisi boiynsha 126 sybailas qylmys, 111 – paraqorlyq, 19 – laýazymdyq ókilettigin asyra paidalaný tirkelgen. 142 adam qylmystyq jaýapkershilikke tartylǵan, onyń 13-i – oblystyq deńgeidegi, 15-i – qalalyq jáne aýdandyq deńgeidegi basshylar.
Mysaly, biyl Qazaly aýdandyq qurylys bóliminiń basshysy "Qazaly aýdany ákimdiginiń ákimshilik ǵimaraty" nysanynyń qurylysy kezinde jobalyq-smetalyq qujattamaǵa jáne oryndalǵan jumystar aktisine qýatty kabel jelileriniń uzyndyǵy týraly senimsiz málimet engizý arqyly 125,6 mln teńge kóleminde biýdjet qarajatyn jymqyrǵany úshin sottalǵan.
Sondai-aq,
Shieli aýdandyq bilim bóliminiń basshysy oqýshylardy jazǵy lagerlerge ornalastyrý jáne olardy ystyq tamaqpen qamtamasyz etý boiynsha jalǵan ózara esep aiyrysýdy resimdeý arqyly 334,9 mln teńge kóleminde biýdjet qarajatyn jymqyrǵany úshin sotqa tartylǵan.
Ákimdikter janyndaǵy sybailas jemqorlyqqa qarsy is-qimyl jónindegi vedomostvoaralyq komissiialardyń jumysy da "Nur Otan"-nyń Sybailas jemqorlyqqa qarsy is-qimyl jónindegi keńesi músheleriniń jeke suraǵyn týǵyzdy.
"Oblystyq ákimdiktiń vedomostvoaralyq komissiiasynda (VAK) otyrystyń kún tártibin josparlaǵanda sybailas jemqorlyq ahýalyna monitoring júrgizilmegeni anyqtaldy.
Komissiiada ishki ister, aýyl sharýashylyǵy, jumyspen qamtý jáne áleýmetti baǵdarlamalar organdarynda sybailas jemqorlyqqa qarsy is-qimyl boiynsha jumystardyń jai-kúii týraly máselemen ainalyspaǵan.
Al Qyzylorda qalalyq ákimdiginde budan da soraqy, kóptegen máseleler boiynsha anyqtamalyq, taldamalyq derekter múldem joq, hattamalarda usynymdardy oryndaýdyń naqty merzimderi jazylmaǵan, al rastaýshy qujattar atymen joq.
Oblystyq densaýlyq saqtaý basqarmasynyń anyqtamasy atústi jasalǵan – sybailas jemqorlyq táýekelderi anyqtalǵan anyqtalmaǵany túsiniksiz. Ol tipti kelisilmegen jáne bekitilmegen bolsa, ne aitýǵa bolady", – dedi keńes múshesi Abzal Quspan.
Óz kezeginde Qostanai oblysynda "Nur Otan" partiiasy janyndaǵy Sybailas jemqorlyqqa qarsy is-qimyl jónindegi respýblikalyq qoǵamdyq keńestiń músheleri memlekettik kórsetiletin qyzmettiń qoljetimdiligine nazar aýdardy.
Óńirde saýalnama alynǵan turǵyndardyń 81,2%-iniń memlekettik kórsetiletin qyzmettiń sapasyna kóńilderi tolady, olardyń basym bóligi elektoryndy úkimet portaly arqyly kórsetiledi. Sonymen birge "Qostanai – adaldyq alańy" jobalyq keńsesi júrgizgen monitoringtiń nátijesi boiynsha Qostanai aýdanynyń sáýlet jáne qala qurylysy, jer qatynastary bólimderinde halyqtyń mobildiligi tómen toptary úshin jaǵdai jasaý boiynsha buzýshylyqtar anyqtaldy. Aqparattyq jumys jetkilikti júrgizilmei otyr, – dep atap ótti keńes múshesi Janar Rysbekova.
Sondai-aq, keńes músheleri Qostanai oblystyq bilim basqarmasy qyzmetinde anyqtalǵan buzýshylyqtardy da talqylady, onyń ishinde partiianyń 2015-2025 jyldarǵa arnalǵan Sybailas jemqorlyqqa qarsy is-qimyl baǵdarlamasyn iske asyrý boiynsha Jol kartasy men Qazaqstan Respýblikasynyń Sybailas jemqorlyqqa qarsy strategiiasynyń oryndalýy týraly aqparattyń bolmaýy qaraldy.
Otyrys qorytyndysy boiynsha Qyzylorda oblysynda – Qazaly aýdanynyń ákimi Muhtar Orazbaevty, bilim basqarmasynyń basshysy Aqzira Qasymovany jáne densaýlyq saqtaý basqarmasynyń basshysy Sábit Pazylovty eskertpe túrinde partiialyq jaýapqa tartý jóninde sheshim qabyldandy. Qostanai oblysynda Qostanai aýdanynyń ákimi Jansultan Taýkenov jáne oblystyq bilim basqarmasynyń basshysy Záýre Baimenova eskertý aldy.
