سونىمەن، قىزىلوردا وبلىسىندا اتالعان كەزەڭدە جىمقىرۋ فاكتىسى بويىنشا 126 سىبايلاس قىلمىس، 111 – پاراقورلىق، 19 – لاۋازىمدىق وكىلەتتىگىن اسىرا پايدالانۋ تىركەلگەن. 142 ادام قىلمىستىق جاۋاپكەرشىلىككە تارتىلعان، ونىڭ 13ء-ى – وبلىستىق دەڭگەيدەگى، 15ء-ى – قالالىق جانە اۋداندىق دەڭگەيدەگى باسشىلار.
مىسالى، بيىل قازالى اۋداندىق قۇرىلىس ءبولىمىنىڭ باسشىسى "قازالى اۋدانى اكىمدىگىنىڭ اكىمشىلىك عيماراتى" نىسانىنىڭ قۇرىلىسى كەزىندە جوبالىق-سمەتالىق قۇجاتتاماعا جانە ورىندالعان جۇمىستار اكتىسىنە قۋاتتى كابەل جەلىلەرىنىڭ ۇزىندىعى تۋرالى سەنىمسىز مالىمەت ەنگىزۋ ارقىلى 125،6 ملن تەڭگە كولەمىندە بيۋدجەت قاراجاتىن جىمقىرعانى ءۇشىن سوتتالعان.
سونداي-اق،
شيەلى اۋداندىق ءبىلىم ءبولىمىنىڭ باسشىسى وقۋشىلاردى جازعى لاگەرلەرگە ورنالاستىرۋ جانە ولاردى ىستىق تاماقپەن قامتاماسىز ەتۋ بويىنشا جالعان ءوزارا ەسەپ ايىرىسۋدى رەسىمدەۋ ارقىلى 334،9 ملن تەڭگە كولەمىندە بيۋدجەت قاراجاتىن جىمقىرعانى ءۇشىن سوتقا تارتىلعان.
اكىمدىكتەر جانىنداعى سىبايلاس جەمقورلىققا قارسى ءىس-قيمىل جونىندەگى ۆەدوموستۆوارالىق كوميسسيالاردىڭ جۇمىسى دا "Nur Otan"-نىڭ سىبايلاس جەمقورلىققا قارسى ءىس-قيمىل جونىندەگى كەڭەسى مۇشەلەرىنىڭ جەكە سۇراعىن تۋعىزدى.
"وبلىستىق اكىمدىكتىڭ ۆەدوموستۆوارالىق كوميسسياسىندا (ۆاك) وتىرىستىڭ كۇن ءتارتىبىن جوسپارلاعاندا سىبايلاس جەمقورلىق احۋالىنا مونيتورينگ جۇرگىزىلمەگەنى انىقتالدى.
كوميسسيادا ىشكى ىستەر، اۋىل شارۋاشىلىعى، جۇمىسپەن قامتۋ جانە الەۋمەتتى باعدارلامالار ورگاندارىندا سىبايلاس جەمقورلىققا قارسى ءىس-قيمىل بويىنشا جۇمىستاردىڭ جاي-كۇيى تۋرالى ماسەلەمەن اينالىسپاعان.
ال قىزىلوردا قالالىق اكىمدىگىندە بۇدان دا سوراقى، كوپتەگەن ماسەلەلەر بويىنشا انىقتامالىق، تالدامالىق دەرەكتەر مۇلدەم جوق، حاتتامالاردا ۇسىنىمداردى ورىنداۋدىڭ ناقتى مەرزىمدەرى جازىلماعان، ال راستاۋشى قۇجاتتار اتىمەن جوق.
وبلىستىق دەنساۋلىق ساقتاۋ باسقارماسىنىڭ انىقتاماسى ءاتۇستى جاسالعان – سىبايلاس جەمقورلىق تاۋەكەلدەرى انىقتالعان انىقتالماعانى تۇسىنىكسىز. ول ءتىپتى كەلىسىلمەگەن جانە بەكىتىلمەگەن بولسا، نە ايتۋعا بولادى"، – دەدى كەڭەس مۇشەسى ابزال قۇسپان.
ءوز كەزەگىندە قوستاناي وبلىسىندا "Nur Otan" پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەستىڭ مۇشەلەرى مەملەكەتتىك كورسەتىلەتىن قىزمەتتىڭ قولجەتىمدىلىگىنە نازار اۋداردى.
وڭىردە ساۋالناما الىنعان تۇرعىنداردىڭ 81،2%ء-ىنىڭ مەملەكەتتىك كورسەتىلەتىن قىزمەتتىڭ ساپاسىنا كوڭىلدەرى تولادى، ولاردىڭ باسىم بولىگى ەلەكتورىندى ۇكىمەت پورتالى ارقىلى كورسەتىلەدى. سونىمەن بىرگە "قوستاناي – ادالدىق الاڭى" جوبالىق كەڭسەسى جۇرگىزگەن مونيتورينگتىڭ ناتيجەسى بويىنشا قوستاناي اۋدانىنىڭ ساۋلەت جانە قالا قۇرىلىسى، جەر قاتىناستارى بولىمدەرىندە حالىقتىڭ موبيلدىلىگى تومەن توپتارى ءۇشىن جاعداي جاساۋ بويىنشا بۇزۋشىلىقتار انىقتالدى. اقپاراتتىق جۇمىس جەتكىلىكتى جۇرگىزىلمەي وتىر، – دەپ اتاپ ءوتتى كەڭەس مۇشەسى جانار رىسبەكوۆا.
سونداي-اق، كەڭەس مۇشەلەرى قوستاناي وبلىستىق ءبىلىم باسقارماسى قىزمەتىندە انىقتالعان بۇزۋشىلىقتاردى دا تالقىلادى، ونىڭ ىشىندە پارتيانىڭ 2015-2025 جىلدارعا ارنالعان سىبايلاس جەمقورلىققا قارسى ءىس-قيمىل باعدارلاماسىن ىسكە اسىرۋ بويىنشا جول كارتاسى مەن قازاقستان رەسپۋبليكاسىنىڭ سىبايلاس جەمقورلىققا قارسى ستراتەگياسىنىڭ ورىندالۋى تۋرالى اقپاراتتىڭ بولماۋى قارالدى.
وتىرىس قورىتىندىسى بويىنشا قىزىلوردا وبلىسىندا – قازالى اۋدانىنىڭ اكىمى مۇحتار ورازبايەۆتى، ءبىلىم باسقارماسىنىڭ باسشىسى اقزيرا قاسىموۆانى جانە دەنساۋلىق ساقتاۋ باسقارماسىنىڭ باسشىسى ءسابيت پازىلوۆتى ەسكەرتپە تۇرىندە پارتيالىق جاۋاپقا تارتۋ جونىندە شەشىم قابىلداندى. قوستاناي وبلىسىندا قوستاناي اۋدانىنىڭ اكىمى جانسۇلتان تاۋكەنوۆ جانە وبلىستىق ءبىلىم باسقارماسىنىڭ باسشىسى زاۋرە بايمەنوۆا ەسكەرتۋ الدى.
