Shýǵa jańa ákim taǵaiyndaldy
Asqar Myrzahmetuly óz sózinde aýdandy osyǵan deiin basqaryp kelgen Qairat Dosaevtyń Taraz qalasy ákimi bolyp taǵaiyndalýyna bailanysty QR Prezidenti apparatynyń jáne aýdandyq máslihat depýtattarynyń kelisimimen Shý aýdanynyń ákimi qyzmetine Jarylqasyn Aitaqovty taǵaiyndaǵanyn aityp, jiynǵa qatysýshylardy onyń eńbek jolymen tanystyrdy. Oblys basshysy Jarylqasyn Ábdiǵaparulynyń jumys tájiribesi mol ekenine toqtalyp, aldaǵy ýaqytta aýdannyń birqatar salasynda kezek kúttirmeitin jumystardyń kóp ekenin jáne ony júzege asyrýda aýdan ákiminiń úlesi zor bolý kerektigin de tilge tiek etti.
Odan keiin Shý aýdanynyń jańa taǵaiyndalǵan ákimi Jarylqasyn Aitaqov sóz sóilep, ózine bildirgen zor jaýapkershilik úshin oblys ákimine jáne aýdandyq máslihat depýtattaryna alǵysyn jetkizip, búgingi kúnge deiin eńbek jolynda jinaǵan tájiribesin aýdannyń áleýetin arttyrýǵa jumsaitynyn jetkizdi.
Kelesi kezekte sóz alǵan Shý aýdany aqsaqaldar keńesi uiymynyń tóraǵasy Qazaqbai Baijumanov jańa basshynyń eńbek jolynda jinaǵan mol tájiribesimen júz myńnan asa turǵyny bar Shý aýdanyn jańa beleske jeteleitinine senim bildirdi. Oblys ákimi A.Myrzahmetov aktiv jinalysyn qoryta kele, Shý aýdanynan birqatar laýazymdy tulǵalardyń túlep ushqanyn, sondai-aq olardyń el ekonomikasyn órkendetýde ólsheýsiz eńbek etkenderin sóz etti. Qairat Dosaevtyń da Shý aýdanynyń damýyna qosqan úlesi mol ekenin aityp, aýdannyń jańa basshysy Jarylqasyn Ábdiǵaparuly aldaǵy jumysyna sáttilik tiledi.
dalanews.kz
