Jolaýshy ólimine soqtyrǵan apatqa qatysty kólik komitetiniń tóraǵasy men Qazaqstan temir joly prezidenti Shýǵa arnaiy kelip, túsinikteme berdi. Tipti Reseiden arnaiy mamandar aldyrtyp, apattyń sebebin anyqtaýǵa kirisip ketken.
«Poiyzdyń jaramdylyǵy bári durys. Mashinist tejegishpen shuǵyl toqtatqan. Sebebin komissiia aitady. Saraptama júrip jatyr. Shetelden maman shaqyrdyq»
– deidi QR investitsiia jáne damý ministrligi kólik komitetiniń tóraǵasy Áset Asaýbaev.
Al oqiǵaǵa qatysty qylmystyq is qozǵaldy. Sol kúni Bəiterekti tizgindegen mashinist keshe kelgen maman emes eken. Baqandai 25 jyl poiyz júrgizgen jəne sol kúni jyldamdyqty asyrmadym dep otyr. Qazir odan tergeýshiler jaýap alyp jatyr.
“Qazaqstan temir joly” basshylyǵy qajet bolsa, sol kúni poiyzǵa mingen, biraq dittegen jerine jete almai qalǵan jolaýshylarǵa aqysyn qaitaryp beremiz dedi.
Biraq əzirge 800 jolaýshynyń tek 76-sy bilet aqysyn qaitaryp alypty. Apattyń saldarynan talai adam jolynan qaldy. Shý arqyly ótetin jolaýshylar poiyzy 4-5 saǵatqa keshigip jatyr. Qaza tapqan balanyń otbasyna 2 mln teńgeden astam járdemaqy tólenetin boldy. Sondai-aq zardap shekkenderge de materialdyq kómek qarastylypty.
