«Tsentr plova Loft» kafesindegi jarylys faktisi boiynsha tergeý áli júrip jatyr, dep habarlaidy Dalanews.kz.
Aqmola oblysynyń prokýratýrasy Shýchinsk qalasyndaǵy «Tsentr plova Loft» kafesinde abaisyzda eki jáne odan da kóp adamnyń ólimine ákep soqtyrǵan órt qaýipsizdigi talaptaryn buzý faktisi boiynsha sotqa deiingi tergeýdi jalǵastyryp jatyr.
20 sáýirde arnaiy prokýrorlar avtomobil gaz quiý stantsiiasynyń direktoryn, sondai-aq gaz ballondardy jetkizýshini ustady. Olar ballondardy toltyrý jáne jetkizý boiynsha qyzmetter kórsetý kezinde zańnama talaptaryn buzdy degen kúdikke ilingen.
Kúdiktilerdiń áreketteri Qazaqstan Respýblikasy Qylmystyq kodeksiniń 306 - babynyń 3-bóligi boiynsha (abaisyzda ekiden kóp adamnyń aýyr zardaptary men ólimine ákep soqqan, tutynýshylardyń ómiri men densaýlyǵy qaýipsizdiginiń talaptaryna sai kelmeitin qyzmetter kórsetý) saralandy. Atalǵan bap sanktsiiasy 8 jylǵa deiingi merzimge bas bostandyǵynan aiyrý túrindegi jazany kózdeidi.
Kúdiktilerdiń birine qatysty sottyń sanktsiiasymen qamaýda ustaý túrindegi bultartpaý sharasy, ekinshisine - úi qamaǵy tańdaldy. Sotqa deiingi tergeý jalǵasyp jatyr. Is boiynsha túpkilikti sheshimdi sot qabyldaidy. QPK 201-babyna sáikes ózge de mán-jailar jariia etýge jatpaidy.
Eske salaiyq, qaiǵyly oqiǵa 27 aqpanda boldy. Shýchinsk qalasynda bes qabatty turǵyn úige tirkelgen bir qabatty dámhanada gaz aýa qospasy jarylyp, órt shyqty. Saldarynan 11 adam qaza taýyp, birneshe adam zardap shekti.
Jarylystan qaza tapqandardyń otbasyna 2 mln teńgeden beriledi.
Sonymen qatar, qaza tapqandardyń otbasylarynyń nesiesi óteledi. Al 2 naýryzda dámhana iesi ustalǵan.
