Premer-ministr Oljas Bektenov tótenshe jaǵdailardy joiý jónindegi respýblikalyq jedel shtab otyrysyn ótkizdi, dep habarlaidy Dalanews.kz.
Premer-ministr Shýchinsk jáne Semei qalalarynda bolǵan oqiǵalardy eskere otyryp, memlekettik organdar basshylarynyń nazaryn qaýipsizdikti qamtamasyz etý máselelerine aýdardy.
Tótenshe jaǵdailar ministri Shyńǵys Árinov bul eki derek boiynsha qylmystyq ister qozǵalǵanyn, tiisti saraptamalar júrgizilip jatqanyn baiandady.
"Shýchinsk qalasynda qaza tapqandardyń otbasylaryna qajet kómek kórsetildi. Vedomstvoaralyq komissiia jumys istep jatyr, onyń qorytyndysy boiynsha osyǵan uqsas oqiǵalar bolýyna jol bermeý jóninde keshendi sharalar ázirlenedi. Jarylystyń sebebi - turmystyq gaz ballondaryn paidalaný erejeleri buzylýy. Semei qalasyndaǵy balalar oiyn-saýyq ortalyǵynda bolǵan órtke keletin bolsaq, TJM kúshteri órtti tez arada aýyzdyqtady, bul adam shyǵyny bolmaýyna múmkindik berdi", - dedi ministr.
Oljas Bektenov ministrlikke ákimdiktermen birlesip, órt qaýipsizdigin kúsheitýdi, profilaktikalyq reidter júrgizýdi jáne aqparattyq-túsindirý jumystaryn jandandyrýdy tapsyrdy.
