ShQÝ zertteý ýniversiteti atanýdy josparlaýda
Bilim oshaǵynyń rektory Muhtar Tólegen baspasóz konferentsiiasy barysynda akademiialyq artyqshylyq ortalyqtaryn qurý jónindegi jáne «aimaqtaǵy myqty joǵary oqý oryndary» jobasy JOO-nyń halyqaralyq imidji men básekege qabilettiligin arttyrýǵa, ýniversitetterdiń zertteý jáne innovatsiialyq ekojúiesin qalyptastyrýǵa baǵyttalatynyn jetkizdi.
– Bul joba Shyǵys Qazaqstan ekonomikasyn damytý úshin ýniversitetke joǵary oqý orny ǵylymyn damytýda úlken serpilis jasap, óndiris jáne biznespen tyǵyz yqpaldasýǵa múmkindik beredi dep úmittenemiz. Jobanyń negizgi tásilderi - 15 óńir jáne 15 JOO, iaǵni bir óńirden tek bir JOO qatysady. Qarjylandyrý tórt jyl ishinde iske asyrylady dep josparlanýda, bir JOO 4 mlrd teńgege deiin alady. Qarajat zertteý ekojúiesin qalyptastyrýǵa, innovatsiialyq zerthanalar qurýǵa, oqytý men ǵylymi zertteýler júrgizý úshin infraqurylymdy damytýǵa, halyqaralyq ǵylymi jobalarǵa qatysýdy qarjylandyrýǵa baǵyttalatyn bolady, – dep túsindirdi Muhtar Tólegen.
«Myqty pedagogikalyq joǵary oqý orny» jobasy aiasynda 21-shi ǵasyr muǵalimderin daiarlaý úshin pedagogikalyq joǵary oqý oryndarynyń áleýetin arttyrý, bilim salasyn joǵary bilikti pedagogtarmen qamtamasyz etý, pedagogikalyq ǵylym men ozyq zertteýlerdi damytý úshin joǵary oqý oryndarynyń áleýetin arttyrý, jas ǵalymdar úshin jańa ǵylymi mektepter qurý, ýniversitetterdiń jumys berýshiler men biznes ókilderimen tiimdi yntymaqtastyǵy josparlanýda.
