ShQO stýdentteri «Biznestegi IT sheshimder», «Kirpish qalaý», Meiramhana biznesi», «Mehatronika», «Elektronika», «Vizýaldi merchandaizing», «CAD injenerlik grafika», «Mobildi robototehnika», «Ózdigmen ushatyn qurylǵylardy basqarý», «Mobildi qosymshalardy daiyndaý» baǵyttary boiynsha aldyna qara saldyrmaǵanyn maqtanyshpen aitýǵa bolady. Budan basqa shyǵysqazaqstandyq jastar qurylys, sylaq jumystary, dene shynyqtyrý jáne sport, 3D modeldeý, kompiýterlik oiyndar, zerthanadaǵy himiialyq saraptama jasaý, júielik ákimshi, veterinariia salalary boiynsha da ózderimen teń túsetin qarsylas joq ekenin ispen dáleledi.
– Bizdiń kolledj jyl saiyn chempionatqa qatysýdy ádetke ainaldyrǵan. Men balalardy «vizýaldi merchendaizing men vitrinistika» baǵyty boiynsha daiyndadym. Alǵashynda oblys aýmaǵynda bilimdi stýdentterdi iriktep, búgin respýblikalyq jarysta top jaryp otyrǵan jaiymyz bar. Almatyda ótken baiqaýda bizder «vitrinistika», «meiramhana isi», «qonaq úi isi», «tigin isi» birinshi orynǵa ie bolyp, joǵary kórsetkishke qol jetkizdik. Aldaǵy ýaqytta jastardyń biliktiligin arttyryp, budan da biik belesterdi baǵyndyrýǵa kúsh salatyn bolamyz, – dedi Óskemen qalasyndaǵy Biznes jáne qyzmet kórsetý kolledjiniń oqytýshysy Aleksandyr Belov.
Bairaqty básekede top jarǵan stýdentter aldaǵy ýaqytta 46-shy ret uiymdastyrylatyn halyqaralyq WorldSkills Competition básekesinde elimizdiń namysyn qorǵaityn bolady.
