SHQO ákimi Ermek Kósherbaev Ertis shahtasynda qaza tapqan jumysshylardyń otbasylaryna baryp, kóńil aıtty, – dep habarlaıdy Dalanews.kz SHQO ákiminiń baspasóz qyzmetine silteme jasap.
Jumysshylardyń ekeýi «Shyǵystústimet» JSHS qyzmetkerleri, ekeýi merdiger uıymdardyń qyzmetkerleri, taǵy bir jumysshy zardap shegip, aýrýhanaǵa jatqyzyldy.
Óńir basshysy Ermek Kósherbaevtyń aıtýynsha, qaza tapqandardyń otbasylaryna barlyq qajetti kómek kórsetiledi, bul úshin SHQO-da jedel shtab qurylǵan. Qazir arnaıy komısıa qaıǵyly jaǵdaıdyń mán-jaıyn anyqtaýda.
